«Qazgıdromet» aldaǵy kúnderi aýa raıynyń kúrt buzylýyna baılanysty eskertý jasady

Máselen, 28-29 qazan kúnderi Almaty men Jambyl oblystarynda jańbyr men jańbyr aralas qar jaýady, jekelegen jerlerde jaýyn-shashyndar molynan túsedi. Soltústik-batystan sekýndyna 17-22 metr jyldamdyqpen jel soǵady. Túnde aýa temperatýrasy 0-5 gradýsqa deıin tómendeıdi. Kúndiz aýa baǵany 0-3 gradýs sýyqtyq ben 2 gradýs jylylyq arasynda qubylady.

Ońtústik Qazaqstan, Qyzylorda oblystarynda - jaýyn-shashyndy, sonyń ishinde qardyń molynan túsýi kútilýde. Jeldiń ekpini 15-20 m/s-qa deıin kúsheıip, túnde temperatýra 0-5 gradýsqa deıin tómendeıdi.

29-30 qazan kúnderi Aqtóbe, Qostanaı, Soltústik Qazaqstan, Aqmola, Qaraǵandy, Pavlodar oblystarynyń keı jerlerinde qar jaýyp, túnde 8-13 gradýs, kúndiz 0-5 gradýs sýyq bolady.