«Qazgıdromet» aldaǵy 3 kúnniń kún raıy boljamyn jarııalady
NUR-SULTAN. QazAqparat - «Qazgıdromet» 2022 jylǵy 19-21 naýryz únderiniń kún raıy boljamyn jarııalady, dep habarlaıdy QazAqparat.
«Apta sońynda Qazaqstan aýmaǵynyń basym bóligi soltústik-batys antıtsıklony yqpalynda bolady, osyǵan baılanysty aıazdy, kóbine jaýyn-shashynsyz aýa raıy saqtalady. Alaıda Jańa jer arhıpelagy jaqtan keletin tsıklon 20 naýryzda respýblıkanyń soltústik, soltústik-batys aımaqtaryna áser ete bastaıdy. Tsıklon ońtústik-shyǵysqa qaraı aýysyp, 21 naýryzda respýblıkanyń basym bóligin qamtıdy. Osyǵan baılanysty aýa temperatýrasy joǵarylap, kún kurt buzylady, atap aıtqanda ońtústikte jáne ońtústik-shyǵysta qar aralas jaýyn-shashyn (jańbyr, qar) jaýyp, jel kúsheıedi, jaıaý burqasyn soǵýy yqtımal. Respýblıka boıynsha tuman túsýi yqtımal», - delingen sınoptıkter habarlamasynda.
