«Qazgıdromet» aldaǵy 3 kúnniń aýa raıy boljamyn jarııalady
NUR-SULTAN. QazAqparat – «Qazgıdromet» RMK-sy 9-11 qarasha aralyǵyndaǵy aýa-raıy boljamyn jarııalady, dep habarlaıdy QazAqparat.
Kásiporynnyń boljamyna qaraǵanda, Soltústik-Batys tsıklonnyń áserinen Qazaqstannyń batysy, soltústik-batysy men soltústiginiń basym bóliginde jaýyn-shashyn bolady, eldiń batysy men soltústik-batysynda qatty nóser jaýyn jaýady.
Sondaı-aq tuman, kóktaıǵaq, tómen burqasyn bolýy yqtımal. Maýsym sońyna qaraı aýa temperatýrasynyń birtindep tómendýi múmkin: túnde Qazaqstannyń batysynda, soltústik-batysynda 0...10 gradýsqa deıin aıaz, kúndiz kún 5 gradýstan 5 gradýsqa deıin jylıdy, ońtústik-batysta túnde 2-7 gradýs aralyǵynda jyly, kúndiz 5-10 gradýs jyly, soltústikte bolsa 2 gradýs aıazdan 3 gradýsqa deıin jylıdy.
Respýblıkanyń qalǵan aýmaǵynda kún jaýyn-shashynsyz bolady: kúndiz aýa temperatýrasy 5-ten 15 gradýsqa deıin jylıdy. Respýblıka boıynsha jel 15-23 m/s deıin kúsheıedi.
