Qazgıdromet aldaǵy úsh kúnniń kún raıy boljamyn jarııalady
ASTANA. KAZINFORM - Aldaǵy kúnderi Qazaqstannyń batys óńirlerine ortalyǵy Samara qalasynyń ústinde ornalasqan tsıklon áser etedi. Tsıklon jańbyr, keı ýaqyttarda qatty jańbyr jaýyp, aýa temperatýrasynyń tómendeýine sebep bolady, dep habarlaıdy Qazgıdromet.
Respýblıkanyń qalǵan aýmaǵynda kún jazdaǵydaı jyly bolady. Eldiń soltústiginde, ortalyǵynda, ońtústiginde jáne ońtústik-shyǵys bóligindegi taýly aýdandarda atmosferalyq aǵynardyń ótýine baılanysty ótkinshi jańbyr jaýady. Tek elimizdiń shyǵysynda antıtsıklon jotasy áserinen jaýyn-shashynsyz, ashyq aýa raıy saqtalady.
Batys óńirlerde aýa temperatýrasynyń túnde +12…+21°S-tan +7…+16°S-qa deıin, kúndiz +15…+25°S-tan +13…+23°S-qa deıin tómendeýi kútiledi.
Soltústik-batysta túngi temperatýra +13…+20°S-tan +5…+15°S-qa deıin, kúndiz +20…+30°S-tan +15…+25°S-qa deıin tómendeıdi.
Osyǵan deıin Atyraý turǵyndarynyń qalany jaılaǵan ótkir ıiske shaǵymdanǵany týraly jazdyq.
