«Qazgıdromet» aldaǵy úsh kúnniń aýa raıy boljamyn jarııalady

ASTANA. KAZINFORM – «Qazgıdromet» RMK-sy shildeniń 17-19 aralyǵyndaǵy kún raıy boljamyn jarııalady.

Kásiporynnyń derekterine qaraǵanda, Qazaqstan aýmaǵynyń basym bóliginde atmosferalyq frontaldy bólikterdiń ótýine baılanysty kún jańbyrly bolady jáne naızaǵaı oınaıdy.

17 shildede – batysta, 18 shildede – soltústik-batysta, 18–19 shildede – soltústikte, 19 shildede – respýblıkanyń ortalyǵynda qatty jańbyr, burshaq jaýady jáne daýyl turýy yqtımal. Respýblıka boıynsha jeldiń kúsheıýi múmkin.

Aldaǵy kúnderi elimizdiń batysy men ońtústik-batysynda 41–44°S deıin, ońtústik-shyǵysynda 42–43°S deıin ystyq bolady. 17 shildede soltústik-batysta, 18 shildede respýblıkanyń ortalyǵynda 40°S deıingi ystyq. 18–19 shildede elimizdiń ońtústiginde 45–46°S deıin aptap ystyq bolady.

Soltústik óńirlerde túngi temperatýra 8–18°S deıin, kúndizgi temperatýra 17–25°S deıin tómendeıdi.

Osyǵan deıin shildeniń 16-17 aralyǵyndaǵy kún raıy boljamyn jarııaladyq.