Qazgıdromet: Aqpannyń 5-i kúngi aýa raıy boljamy
NUR-SULTAN. QazAqparat - Qazaqstannyń basym bóligi soltústik-batys tsıklonynyń yqpalynda bolady. Osyǵan baılanysty eldiń basym bóliginde jaýyn, qar jaýady, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan málimetterge qaraǵanda, tek eldiń ońtústik jáne ońtústik batysynda ǵana aýa raıy jaýyn-shashynsyz bolady. Respýblıka boıynsha keı jerlerde tuman, kóktaıǵaq, jaıaý burqasyn bolyp, jel kúsheıedi.
Soltústik-Qazaqstan oblysynyń keı jerlerinde tuman, kóktaıǵaq, burqasyn bolyp, basym bóliginde jeldiń jyldamdyǵy sekýndyna 15-20 metr, ekpini 23-28 metrge jetedi.
Qostanaı, Shyǵys Qazaqstan, Aqmola, Aqtóbe oblystarynyń keı jerlerinde tuman túsip, kóktaıǵaq bolyp, burqasyn soǵady. Jeldiń jyldamdyǵy sekýndyna 15-20 metrge jetedi, Qostanaı oblysynda ekpini 23-28 m/s.
Pavlodar, Qaraǵandy oblystarynyń keı jerlerinde tuman túsip, kóktaıǵaq bolady, jel sekýndyna 15-20 metrge deıin kúsheıedi.
Atyraý, Batys Qazaqstan oblystarynyń keı jerlerinde tuman túsip, kóktaıǵaq bolady, túnde jel sekýndyna 15-20 metrge deıin kúsheıedi.
Jambyl, Túrkistan, Qyzylorda oblystarynyń keı jerlerinde tuman túsip, kúndiz jel 15-20 m/s jyldamdyqpen esedi.
Almaty, túnde Mańǵystaý oblystarynyń keı jerlerinde tuman bolady.
