Qazgıdromet: Aqpannyń 4-i kúngi aýa raıy boljamy
NUR-SULTAN. QazAqparat – «Qazgıdromet» RMK-nyń málimetteri boıynsha, Qazaqstannyń basym bóligi atlantıkalyq tsıklonnyń yqpalynda. Sondyqtan elimizdiń basym bóliginde 4-shi aqpan kúni jaýyn, qar jaýady, dep habarlaıdy QazAqparat.
Kásiporyn taratqan málimetterge qaraǵanda, 4-shi aqpan kúni tek elimizdiń soltústik-shyǵysynda ǵana antıtsıklonnyń áserinen kún jaýyn-shashynsyz bolady. Keı jerlerde tuman túsip, kóktaıǵaq bolady, jel kúsheıip, eldiń soltústiginde jaıaý burqasyn bolady.
Aqmola oblysynyń keı jerlerinde tuman túsip, tańerteń jáne kúndiz birqatar aýmaqtarda jaıaý burqasyn, kóktaıǵaq bolyp, sekýndyna 15-20 metr jyldamdyqpen jel soǵady.
Almaty oblysynyń keı jerlerinde tuman túsip, jyldamdyǵy 15-20 m/s jel soǵady. Jalańashkól aýdanynda jeldiń ekpini 17-22 m/s-qa jetedi.
Jambyl, Atyraý, Batys Qazaqstan, Aqtóbe, Shyǵys Qazaqstan oblystarynyń keı jerlerinde tuman túsip, kóktaıǵaq bolady, jeldiń jyldamdyǵy 15-20 m/s.
Aqtóbe oblysynyń birqatar aýmaqtarynda jaıaý burqasyn bolady.
Túrkistan oblysynyń keı jerlerinde tuman túsip, kúndiz jel 15-20 m/s jyldamdyqpen uıtqıdy.
Pavlodar, Qaraǵandy oblystarynyń keı jerlerinde burqasyn, tuman, kóktaıǵaq bolady. Jel 15-20 m/s jyldamdyqpen soǵady, kúndiz ekpini 23-28 m/s bolady.
