Qazgıdromet: Aqpannyń 20-sy kúngi aýa raıy boljamy
NUR-SULTAN. QazAqparat – Búgin Qazaqstannyń basym bóliginde atmosferalyq frontaldy bólikterdiń ótýine baılanysty aýa raıy qubylmaly bolady, dep habarlaıdy QazAqparat «Qazgıdromet» RMK-nyń baspasóz málimetterine silteme jasap.
Kásiporyn tartaqan málimetterge qaraǵanda, 20 aqpanda jańbyr, qar jaýady.
Shyǵys jáne ońtústik-shyǵys aýdandarda qatty jaýyn-shashyn mol kólemde jaýady. Respýblıkanyń keı jerlerinde tuman túsip, kóktaıǵaq, burqasyn bolyp, jel kúsheıedi.
Shyǵys Qazaqstan oblysynyń keı jerlerinde jaıaý burqasyn, kóktaıǵaq, tuman bolyp, jeldiń kúshi sekýndyna 15-20 metrge, ekpini 23-28 metrge jetedi.
Almaty oblysynyń keı jerlerinde tuman, kóktaıǵaq bolyp, jel 17-22 m/s, keı jerlerde 27 m/s jyldamdyqpen soǵady.
Jambyl oblysynyń keı jerlerinde tuman túsip, kóktaıǵaq bolady, túnde jel 15-20 m/s-qa deıin kúsheıedi, jaıaý burqasyn bolady.
Túrkistan oblysynyń keı jerlerinde kóktaıǵaq bolyp, tuman túsedi, jel 15-20 m/s jyldamdyqpen soǵady.
Aqmola oblysynda keı jerlerde tuman túsip, jaıaý burqasyn bolady, kúndiz jel 15-20 m/s jyldamdyqpen soǵady.
Kúndiz Soltústik Qazaqstan oblysynda jel 15-20 m/s jyldamdyqpen soǵady, jaıaý burqasyn soǵady.
Pavlodar oblysynda túnde jeldiń kúshi sekýndyna 17 metrge jetedi.
Atyraý, Batys Qazaqstan, Qyzylorda oblystarynyń keı jerlerinde tuman túsedi.
Aqtóbe, Qostanaı oblystarynyń keı jerlerinde jaıaý burqasyn bolyp, tuman túsedi, kúndiz jeldiń kúshi sekýndyna 15-20 metrge jetedi.
