Qazgıdromet: Aqpannyń 19-y kúngi aýa raıy boljamy

Kásiporyn taratqan málimetterge qaraǵanda, Qazaqstannyń basym bóligine ońtústik Kaspıı tsıklony yqpal etip, kún qubylmaly bolady, jańbyr, qar jaýady. Soltústikte qalyń qar, ońtústikte jańbyr mol kólemde jaýady.

Respýblıka boıynsha keı jerlerde tuman túsip, kóktaıǵaq, burqasyn bolyp, jel kúsheıedi.

Jambyl, Túrkistan oblystarynda jeldiń jyldamdyǵy sekýndyna 15-20 metrge, ekpini 23-28 m/s-ge jetedi, keı jerlerde 30 m/s jáne odan kúshti bolady. Sondaı-aq keı jerlerge tuman túsip, kúndiz Túrkistan oblysynyń keı birqatar bóliginde kóktaıǵaq bolady.

Qostanaı oblysynyń basym bóliginde túnde jel 15-20 m/s jyldamdyqpen esedi, keı jerlerde jeldiń kúshi sekýndyna 25 metrge deıin jetedi. Kúndiz óńirdiń birqatar bóliginde jeldiń jyldamdyǵy sekýndyna 15-20 m/s-ke jetse, keı jerlerde tuman, burqasyn bolady.

Aqmola oblysynyń basym bóliginde jel túnde sekýndyna 15-20 metrge jetip, keı jerlerde ekpini 23-28 m/s bolady. Kúndiz oblystyń keı jerlerinde jeldiń kúshi 15-20 m/s-qa deıin kúsheıedi, sondaı-aq tuman túsip, kóktaıǵaq, burqasyn bolady.

Soltústik Qazaqstan, Pavlodar oblystarynyń basym bóliginde jeldyń kúshi sekýndyna 15-20 metrge etedi, keı jerlerde ekpini 23-28 m/s bolady. Taǵy bir bóliginde burqasyn bolady. Soltústik Qazaqstan oblysynyń birqatar óńirinde tuman túsip, Pavlodar oblysynda kóktaıǵaq bolady.

Qaraǵandy, Shyǵys Qazaqstan oblystarynyń keı jerlerinde kóktaıǵaq bolyp, tuman túsedi, jel 15-20 m/s jyldamdyqpen esip, ekpini 23-28 m/s-qa jetedi.

Shyǵys Qazaqstan oblysynyń keı jerlerinde jaıaý burqasyn bolady.

Qyzylorda oblysynyń keı jerlerine tuman túsip, kóktaıǵaq bolady, jel 15-20 m/s jyldamdyqpen soǵady.

Aqtóbe, Atyraý, Mańǵystaý, Batys Qazaqstan oblystarynyń keı jerlerinde tuman túsip, Mańǵystaý oblysynyń keı jerlerinde kóktaıǵaq bolady.