Qazgıdromet: Aqpannyń 18-i kúngi aýa raıy boljamy
NUR-SULTAN. QazAqparat – «Qazgıdromet» RMK-sy aqpannyń 18-i kúngi aýa raıy boljamyn jarııalady, dep habarlaıdy QazAqparat.
Kásiporyn taratqan málimetterge qaraǵanda, Qazaqstannyń basym bóliginde Ońtústik Kaspıı tsıklonynyń ótýimen baılanysty jańbyr men qar jaýady, soltústik jáne batys aýdandarda jaýyn-shashyn mol kólemde túsedi.
Tek elimizdiń ońtústiginde antıtsıklon jotasynyń áserinen jaýyn-shashyn bolmaıdy.
Respýblıkanyń keı jerlerinde tuman túsip kóktaıǵaq, jel kúsheıip, burqasyn bolady.
Aqmola oblysynyń basym bóliginde jel sekýndyna 15-20 metr jyldamdyqpen soǵady, keı jerlerinde 23-28 m/s bolady. Sondaı-aq, tuman túsip, kóktaıǵaq, burqasyn bolady.
Qostanaı oblysynyń keı jerlerinde jel 15-20 m/s, kúndiz keı jerlerinde 25 m/s jyldamdyqpen soǵady. Keı jerlerinde tuman, kóktaıǵaq, burqasyn bolady.
Soltústik Qazaqstan oblysynyń basym bóliginde kúndiz jeldiń jyldamdyǵy sekýndyna 15-20 metrge jetedi, keı jerlerinde ekpini 23-28 m/s-qa deıin barady. Sondaı-aq keı jerlerdi tuman túsip, burqasyn bolady.
Aqtóbe, Atyraý oblystarynyń basym bóliginde, kúndiz keı jerlerinde jel 15-20 m/s-qa deıin kúsheıedi, keı jerlerinde jaıaý burqasyn bolady.
Aqtóbe oblysynyń keı jerlerinde kóktaıǵaq bolyp, tuman túsedi.
Qaraǵandy, Shyǵys Qazaqstan oblystarynyń keı jerlerinde kóktaıǵaq bolyp, tuman túsedi, jaıaý burqasyn bolady. Jeldiń jyldamdyǵy sekýndyna 15-20 m/s-qa jetedi.
Shyǵys Qazaqstan oblysynyń Jarma aýdanynda jeldiń ekpini 25 m/s, Qaraǵandy oblysynda kúndiz ekpini 23 m/s-qa deıin kúsheıedi.
Mańǵystaý oblysynyń keı jerlerinde tuman túsip, kóktaıǵaq, burqasyn bolady. Jeldiń jyldamdyǵy sekýndyna 15-20 metrge jetedi.
Pavlodar, Batys Qazaqstan oblystarynyń keı jerlerinde jaıaý burqasyn kútiledi, jel 15-20 m/s jyldamdyqpen soǵady.
Pavlodar oblysynyń keı jerlerinde kóktaıǵaq bolady, Batys Qazaqstan oblysynyń keı jerlerinde tuman túsedi.
Qyzylorda, Túrkistan oblystarynyń keı jerlerinde tuman túsip, jel 15-20 m/s jyldamdyqpen esedi. Qyzylorda oblysynyń keı jerlerinde kóktaıǵaq bolady.
Jambyl oblysynyń keı jerlerinde túnde jáne tańerteń tuman túsedi, kúndiz keı jerlerinde jel 15-20 m/s jyldamdyqpen soǵady.
Almaty oblysynyń Jalańashkól aýdanynda jeldiń jyldamdyǵy sekýndyna 17-22 metrge jetedi, ekpini 27 m/s bolady.
