«Qazgıdromet» 9-11 qyrkúıek aralyǵyndaǵy kún raıy boljamyn jarııalady

ASTANA. KAZINFORM - «Qazgıdromet» RMK Qazaqstan boıynsha 9-11 qyrkúıek kúnderiniń kún raıy boljamyn usyndy, dep habarlaıdy Kazinform.

- Aldaǵy táýlikterde respýblıkanyń basym bóligine aýa raıy batys tsıklony jáne onymen baılanysty atmosferalyq aǵyndar áser etedi. Keı aýdandarda naızaǵaı oınap, jaýyn jaýady. 9-10 qyrkúıekte soltústik-batysta, 9-11 qyrkúıekte shyǵysta, 10-11 qyrkúıekte ońtústik-shyǵysta, respýblıkanyń ortalyǵynda nóser jaýyn, burshaq jaýýy múmkin. Respýblıka boıynsha jel kúsheıedi, soltústik-batysta, soltústikte, shyǵysta, túnde jáne tańerteń Qazaqstannyń ortalyǵynda tuman túsedi. Elimizdiń ońtústiginde daýyl soǵady, - dep habarlaıdy sınoptıkter.

Qazaqstannyń batysynda túnde 5-16 gradýsqa deıin sýytady, kúndiz 18-25 gradýsqa deıin jyly; respýblıkanyń soltústik-batysynda túnde 1-11 gradýs sýyq, kúndiz 8-16, oblystyń ońtústiginde 23 gradýs; soltústik oblystarda túnde 5-10, kúndiz 9-15, ortalyqta túnde 5-13, kúndiz 13-21, shyǵysta túnde 3-11, kúndiz 10-20 gradýs jyly.

Respýblıkanyń ońtústik-batysynda, ońtústik-shyǵysynda aýa temperatýrasynda aıtarlyqtaı ózgerister kútilmeıdi.

Osyǵan deıin Aqtaýda «QazAzotqa» atmosferany lastaǵany úshin 8,5 mln teńgege aıyppul salynǵany týraly jazdyq.