«Qazgıdromet» 9-11 qańtardaǵy aýa raıy boljamyn usyndy
NUR-SULTAN. QazAqparat – «Qazgıdromet» RMK 9-11 qańtar aralyǵyndaǵy aýa raıy boljamyn usyndy, dep habarlaıdy QazAqparat.
«Atlant muhıty men Jerorta teńizinen atmosferalyq fronttar birinen keıin biri Qazaqstan aýmaǵy arqyly ótip, ózimen birge dymqyl jáne jyly aýa massalaryn alyp keledi. Sondyqtan jaýyn-shashynǵa qaramastan, respýblıkada qatty aıazdar kútilmeıdi. Kún qysqa merzimge sýytyp, keıin kóp uzamaı soltústik-batystyq troposferalyq aǵymdar ońtústik-batysqa aýysyp, aýa temperatýrasy qaıta joǵarylaıdy. Osyǵan oraı, Qazaqstannyń basym bóliginde kóktaıǵaq jáne kórý múmkindigi 500 metrden aspaıtyn tuman saqtalady», - delingen sınoptıkterdiń aqparatynda.
