Qazgıdromet 6 óńirde eskertý jarııalady
NUR-SULTAN. QazAqparat – «Qazgıdromet» RMK aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.
22 qyrkúıekte kúndiz Qyzylorda oblysynda batystan, soltústik-batystan jel soǵady, kúshi keı jerlerde 15-20 m/s artady. Kúndiz tótenshe órt qaýpi saqtalady.
22 qyrkúıek túnde Batys Qazaqstan oblysynyń keı jerlerinde naızaǵaı kútiledi. Soltústik-batystan, batystan soǵatyn jeldiń kúshi túnde 15-20 m/s kúsheıedi.
22 qyrkúıekte Aqmola oblysynyń keı jerlerinde tuman kútiledi. Batystan, ońtústik-batystan jel soǵyp, kúshi keı jerlerde 15-20 m/s artady.
22 qyrkúıekte túnde jáne tańerteń Qostanaı oblysynda tuman boljanady. Batystan jel soǵady, kúshi keı jerlerde 15-20 m/s jetedi.
22-23 qyrkúıekte Qaraǵandy oblysynda ontústik-batystan jel soǵady, keı jerlerde ekpini 25 m/s kúsheıdi.
22 qyrkúıekte Soltústik Qazaqstan oblysynda ońtústik-batystan, batystan jel soǵady, keı jerlerde kúshi 15-20 m/s kútiledi.
