Qazgıdromet 5 tamyz kúni 8 oblysta kún aptap ystyq bolatynyn eskertti

«Qazgıdromet» RMK el aýmaǵynda 5 tamyzda bolatyn qaýipti meteorologııalyq qubylystarǵa boljam jasady.

Atmosferalyq frontaldy bólimder Qazaqstannyń basym bóliginde turaqsyz aýa raıyn saqtaıtyn bolady: naızaǵaımen jańbyr, burshaq jaýyp, daýyl kútiledi, elimizdiń soltústik-shyǵysynda, shyǵysynda qatty jańbyr jaýady.

Elimizdiń tek ońtústiginde jáne ortalyǵynda jaýyn-shashynsyz aýa raıy saqtalady. Respýblıka boıynsha jel kúsheıip, soltústik-batysynda túnde jáne tańerteń tuman túsedi.

«Kúndiz Almaty, Batys Qazaqstan, Atyraý, Mańǵystaý, Aqtóbe, Jambyl, Jetisý oblystarynda, Ulytaý oblysynyń batysynda qatty ystyq bolady.

Batys Qazaqstan, Atyraý, Mańǵystaý oblystarynyń ońtústiginde óte qatty ystyq kútiledi.

Almaty, Atyraý, Jetisý, Abaı oblystarynda, Ulytaý oblysynyń soltústiginde, shyǵysynda, Qaraǵandy oblysynyń batysynda, soltústiginde, ońtústiginde, Almaty oblysynyń soltústiginde, ońtústiginde, Aqtóbe, Batys Qazaqstan oblystarynyń ońtústiginde, Shyǵys Qazaqstan oblysynyń ortalyǵynda, shyǵysynda, ońtústik-shyǵysynda, Pavlodar oblysynyń shyǵysynda, ońtústik-shyǵysynda, ortalyǵynda, Aqmola oblysynyń ońtústik-batysynda, ortalyǵynda joǵary órt qaýpi saqtalady», — dep jazdy sınoptıkter.

Mańǵystaý, Qyzylorda, Túrkistan, Jambyl, Almaty, Ulytaý, Jetisý oblystarynda, Atyraý oblysynyń ońtústik bóliginde, Qostanaı, Aqtóbe, Shyǵys Qazaqstan, Abaı oblystarynyń ońtústiginde tótenshe órt qaýpi saqtalady.