Qazgıdromet: 4 aqpanǵa arnalǵan aýa raıy boljamy
ASTANA. QazAqparat - 4 aqpan kúni respýblıka aýmaǵynyń ońtústik bóligi joǵary atmosferalyq qysym jaǵdaıynda bolady. Respýblıkanyń basqa aımaqtarynda atmosferalyq frontaldyq aǵyndardyń ótýine baılanysty aýa raıynyń turaqsyzdyǵy saqtalady, keı jerlerde qar jaýyp, jekelegen aýdandarda burqasynǵa ulasqan kúshti jel turady, keı aımaqtarda tuman, kóktaıǵaq kútiledi. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Almaty, Jambyl Mańǵystaý oblystarynyń keı tustarynda tuman kútiledi, Jambyl oblysynda kóktaıǵaq bolady. Kúndiz Aqmola, Atyraý, Qostanaı oblystarynyń birqatar jerlerinde ekpini 15-20 m/s bolatyn jel soǵady. Qostanaı oblysynda túnde jáne tańerteń tuman túsýi múmkin. Ońtústik Qazaqstan oblysynyń keıbir jerlerinde jel 15-20 m/s-qa deıin kúsheıip, túnde jáne tańerteń tuman túsedi. Mańǵystaý oblysynyń keı jerlerinde kóktaıǵaq bolady. Aqtóbe oblysynyń birqatar aımaqtarynda jeldiń ekpini 15-20 m/s-qa deıin baryp, burqasyn bolady. Qyzylorda, Ońtústik Qazaqstan, Qaraǵandy oblystarynda túnde qatty aıaz bolady. Mańǵystaý oblystarynda túnde qatty aıaz kútiledi, jer-jerlerde aıaz qatty kúsheıýi múmkin.
