Qazgıdromet 31 naýryzǵa arnalǵan aýa raıy boljamyn usynady
ASTANA. QazAqparat - Búgin elimizdiń basym bóliginde atmosferalyq frontaldy bólikterdiń ótýine baılanysty keıbir aımaqtarda aýa raıynyń turaqsyzdyǵy saqtalady, keı jerlerde burqasyn, jeldiń kúsheıýi, tuman, kóktaıǵaq bolady. Tek elimizdiń ońtústik-shyǵys bóliginde jaýyn-shashyn bolmaıdy, keıbir jerine tuman túsedi, dep habarlaıdy QR TJM «Qazgıdromet» RMK-ge silteme jasap.
Búgin, 31 naýryzda Aqmola, Soltústik Qazaqstan oblystarynda túnde jáne kúndiz jel kúsheıip, onyń qýaty 23-28 m/s deıin barady dep kútilýde. Qostanaı oblysynda da túnde jáne kúndiz jeldiń ekpini sekýndyna 15-20, keıbir aýdandarda 25 metrge deıin baryp, tuman túsip, kóktaıǵaq bolady. Batys Qazaqstan, Aqtóbe oblystarynyń keıbir jerlerine tuman túsip, kóktaıǵaq bolyp, jeldiń kúshi 15-20 m/s deıin barady. Al Jambyl, Mańǵystaý oblystaryna tuman túsip, jeldiń ekpini 15-20 m/s deıin jetedi. Ońtústik Qazaqstan oblysynyń keıbir aımaǵynda naızaǵaı men tuman túsip, jeldiń kúshi sekýndyna 15-20 m bolady dep kútilýde. Qyzylorda oblysynda jeldiń kúshi 15-20 m/s, shańdy daýyl tursa, Almaty oblysynyń jalanashkól aýdanynda jeldiń kúshi 25m/s deıin barady degen boljam bar. Sondaı-aq Atyraý, Pavlodar, Shyǵys Qazaqstan jáne Qaraǵandy oblystarynyń keıbir jerinde jeldiń ekpini 15-20 m/s deńgeıinde bolady.
