Qazgıdromet: 30 jeltoqsan kúni elimizdiń basym bóliginde qar jaýady
NUR-SULTAN. QazAqparat – Jeltoqsannyń 30-y kúni Qazaqstan aýmaǵyna Qara teńiz aımaqtarynan jyljyǵan tsıklon áser etedi. Sonyń saldarynan respýblıkanyń basym bóliginde qar jaýady, ońtústikte jaýyn-shashyn bolady. Bul týraly QazAqparat «Qazgıdromet» RMK-na silteme jasap habarlaıdy.
Kásiporyn tartqan málimetterge qaraǵanda, tek elimizdiń batysynda ǵana kún jaýyn-shashynsyz bolady.
Keı jerlerde tuman túsip, kóktaıǵaq bolyp, jel kúsheıedi, burqasyn bolýy da yqtımal.
Shyǵys Qazaqstan oblysynyń birqatar aýmaqtarynda tuman túsip, burqasyn, jolda kóktaıǵaq bolady. Jel 15-20 m/s-qa kúsheıedi, túnde Jarmın aýdanynda ekpini 25 m/s jel soǵady.
Aqmola oblysynyń keı jerlerinde tuman túsip, kóktaıǵaq, burqasyn bolady. Túnde jáne tańerteń jeldiń ekpini 15-20 m/s-qa kúsheıedi.
Almaty, Túrkistan, Qyzylorda, Mańǵystaý, Atyraý, Aktóbe oblystarynyń keı jerlerinde tuman túsip, kóktaıǵaq bolady.
Almaty oblysynyń Alakól aýdanynda jel 17-22 m/s jyldamdyqpen uıtqıdy.
Soltústik Qazaqstan, Pavlodar oblystarynyń keı jerlerinde tuman túsip, burqasyn bolady.
Soltústik Qazaqstan oblysynda kúndiz jel 15-20 m/s-qa kúsheıedi.
Qaraǵandy, Jambyl oblystarynyń keı jerlerinde tuman túsip, kóktaıǵaq, jaıaý burqasyn bolady.
Jambyl oblysynda túnde jeldiń jyldamdyǵy 15-20 m/s-qa jetedi.
Batys Qazaqstan, Qostanaı oblystarynyń keı jerlerinde tuman túsedi.
