Qazgıdromet: 30 qazannyń kún raıy boljamy
NUR-SULTAN. QazAqparat – «Qazgıdromet» RMK-sy 30 qazannyń kún raıy boljamyn jarııalady, dep habarlaıdy QazAqparat.
Kásiporynnyń boljamyna qaraǵanda, frontaldy bólikterdiń áserinen respýblıkanyń basym bóliginde kún raıy turaqsyz bolady. Jaýyn-shashyn (jańbyr, qar) bolady, eldiń shyǵys jáne ońtústik aımaqtary ǵana joǵary qysym yqpalynda bolady, sondyqtan kún jaýyn-shashynsyz bolady.
Respýblıkanyń basym bóliginde tuman, soltústiginde burqasyn, soltústikte, soltústik-batysta jáne ońtústik-shyǵys bóliginiń taýly aýdandarynda jel kúsheıedi, soltústik-shyǵysta kóktaıǵaq bolady.
Soltústik Qazaqstan oblysynda, túnde shyǵysynda 15-20 m/s, kúndiz basym bóliginde 15-20 m/s, batysta ekpini 25 m/s jel kúsheıip, túnde ońtústikte, shyǵysta, kúndiz soltústikte, batysta kóktaıǵaq, burqasyn bolady.
Aqmola oblysynyń soltústik-shyǵysynda jel 15-20 m/s jyldamdyqpen soǵady, jaıaý burqasyn, kóktaıǵaq bolady, túnde jáne tańerteń oblystyń batysynda tuman túsedi.
Pavlodar oblysynyń soltústiginde kóktaıǵaq bolyp, túnde soltústik-batysynda jel 15-20 m/s jyldamdyqpen soǵady.
Qostanaı oblysynyń soltústiginde jeldiń jyldamdyǵy sekýndyna 15-20 m/s-qa deıin kúsheıedi. Tańerteń jáne kúndiz óńirdiń batysynda tuman túsedi.
Jambyl oblysynyń taýly aýdandarynda jeldiń jyldamdyǵy sekýndyna 15-20 metrge jetip, túnde tuman túsedi.
Batys Qazaqstan, Atyraý, Mańǵystaý, Aqtóbe oblystarynda túnde jáne tańerteń batysynda, soltústiginde, ortalyǵynda, soltústik-batysynda tuman túsedi.
Túnde Shyǵys Qazaqstan oblysynyń soltústik-shyǵysynda tuman túsedi. Túnde jáne tańerteń Almaty, Túrkistan oblystarynyń taýly aýdandarynda tuman, Almaty oblysynyń taýlarynda kóktaıǵaq kútiledi.
