Qazgıdromet: 30 qańtarǵa arnalǵan aýa raıy boljamy
ASTANA. QazAqparat - 30 qańtar kúni respýblıka aýmaǵynyń basym bóliginde burynǵysha atmosferalyq frontaldyq aǵyndardyń ótýine baılanysty aýa raıynyń turaqsyzdyǵy saqtalady, jer-jerlerde qar, boran, qatty jel, jekelegen aýdandarda tuman, kóktaıǵaq kútiledi, tek respýblıkanyń batysynda jáne shetki soltústik aımaǵynda aýa raıy jaýyn-shashynsyz, aıazdy bolady. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Qostanaı, Qaraǵandy, Shyǵys Qazaqstan, Aqmola oblystarynyń keı jerlerinde burqasyndatyp, jel 15-20 m/s-qa kúsheıedi. Almaty oblysynyń keı aımaqtarynda tuman, kóktaıǵaq oryn alady, túnde Jalańashkól aýdanynda jeldiń kúshi 15-20 m/s-qa jetedi. Jambyl oblysynyń keı jerlerinde tuman túsip, kóktaıǵaq bolady. Jel 15-20 m/s-qa kúsheıedi. Ońtústik Qazaqstan oblysynyń keıbir aýdandarynda tuman, kóktaıǵaq bolyp, boran soǵady, jel 15-20 m/s-qa jetedi. Tańerteń jáne kúndiz jel ekpini 23 m/s-qa kúsheıedi. Qyzylorda, Mańǵystaý oblystarynyń jer-jerlerinde burqasyndatyp, kóktaıǵaq bolady, jel 15-20 m/s-qa kúsheıedi. Atyraý oblysynyń keı óńirinde jel 15-20 m/s-qa kúsheıedi dep kútilýde.
Aqtóbe olblysynda qatty aıaz bolady. Soltústik Qazaqstan, Atyraý oblystarynyń keı tustarynda aıaz bolyp, Mańǵystaý oblysynyń keıbir jerlerinde aıaz qatty kúsheıedi.
