Qazgıdromet: 30 qańtar kúngi aýa raıy boljamy
ASTANA. QazAqparat - «Qazgıdromet» RMK-sy Qazaqstan aýmaǵynda qańtardyń 30-y kúni bolatyn aýa raıy boljamyn jarııa etti, dep habarlaıdy QazAqparat.
Kásiporyn taratqan málimetterge qaraǵanda, Qazaqstannyń basym bóliginde qańtardyń 30-y kúni tsıklon men atmosferalyq aǵyndardyń ótýine baılanysty jaýyn bolyp, eldiń ońtústiginde jańbyr mol mólsherde jaýady.
Respýblıkanyń basym óńirlerinde tuman túsip, kóktaıǵaq bolady, jaıaý burqasyn soǵyp, jel kúsheıedi.
Almaty oblysynyń keı jerlerinde tuman túsip, jel sekýndyna 15-20 metrge deıin kúsheıedi. Alakól aýdany aýmaǵynda jeldiń jyldamdyǵy 20-25 metrge, ekpini 30 metrge jetedi jáne odan da kúshti bolýy yqtımal.
Jambyl, Qyzylorda oblystarynyń birqatar aýmaqtarynda tuman túsip, kóktaıǵaq bolyp, jeldiń jyldamdyǵy sekýndyna 15-20 metrge jetedi, ekpini 23-28 metrge deıin barýy yqtımal.
Túrkistan oblysynyń keı jerlerinde tuman túsip, kóktaıǵaq bolady, birqatar jerlerinde jeldiń jyldamdyǵy sekýndyna 17-22 metrge jetedi. Kúndiz jáne túnde jeldiń ekpini sekýndyna 27 metr bolady.
Shyǵys Qazaqstan oblysynyń keı jerlerinde jaıaý burqasyn bolyp, túnde jáne tań ata birqatar aýmaqtarynda jel sekýndyna 15-20 metrge deıin kúsheıip, kúndiz onyń ekpini 25 metrge jetedi.
Mańǵystaý oblysynyń keı jerlerinde tuman túsip, túnde birqatar aýmaqtarda jeldiń kúshi sekýndyna 15-20 metrge jetedi.
Atyraý, Batys Qazaqstan oblystarynyń birqatar aýmaqtarynda túnde tuman túsip, kóktaıǵaq bolady.
Aqmola, Qostanaı, oblystarynda jel 15-20 metr jyldamdyqpen uıtqıdy. Qostanaı oblysynda boran bolady.
Aqtóbe oblysynda jel sekýndyna 15-20 metrge deıin kúsheıip, keı jerlerde jaıaý burqasyn bolady.
Soltústik Qazaqstan oblysynda jaıa burqasyn bolyp, tuman túsedi, kúndiz keı jerlerde jeldiń jyldamdyǵy 15-20 metrge jetedi.
Qaraǵandy oblysynda tuman túsip, kúndiz jel sekýndyna 15-20 metr jyldamdyqpen soǵady.
