Qazgıdromet: 3 aqpanǵa arnalǵan aýa raıy boljamy
NUR-SULTAN. QazAqparat – Qazaqstan osy ýaqytta atlanıkalyq tsıklonnyń yqpalynda. Osyǵan baılanysty respýblıkanyń basym bóliginde jaýyn, qar jaýady, dep habarlaıdy QazAqparat «Qazgıdromet» RMK-nyń málimetterine silteme jasap.
Kásiporyn taratqan málimetterge qaraǵanda, respýblıkanyń batysynda kúndiz qatty jaýyn jaýady.
Soltústikte jáne ortalyqta azdaǵan qar jaýady, tek eldiń shyǵysynda ǵana antıtsıklonnyń áserinen jaýyn-shashyn bolmaıdy. Keı jerlerde tuman túsip, kóktaıǵaq bolady, jel kúsheıip, eldiń batysynda jáne ortalyǵynda jaıaý burqasyn bolady.
Batys Qazaqstan, Mańǵystaý, Atyraý, Jambyl, Aqtóbe oblystarynyń keı jerlerinde tuman túsip, kóktaıǵaq bolady. Jel 15-20 m/s jyldamdyqpen uıtqıdy.
Qyzylorda, Pavlodar oblystarynyń keı jerlerinde tuman túsip, kóktaıǵaq bolady.
Qostanaı, Soltústik Qazaqstan, Aqmola, Qaraǵandy oblystarynyń keı jerlerinde de tuman bolady. Qaraǵandy oblysynda kúndiz jaıaý burqasyn bolýy yqtımal.
Shyǵys Qazaqstan, Túrkistan oblystarynyń keı jerlerinde tuman túsip, jel 15-20 m/s jyldamdyqpen soǵady.
Almaty oblysynyń Jalańashkól aýdanynda jeldiń jyldamdyǵy sekýndyna 18-23 metrge jetedi.
