Erteń elimizdiń basym bóliginde kún jaýyn-shashynsyz bolady - Qazgıdromet
ASTANA. KAZINFORM – «Qazgıdromet» 2026 jylǵy 29 naýryzǵa arnalǵan Qazaqstan aýmaǵy boıynsha aýa raıy boljamyn jarııalady.
Boljamǵa sáıkes, jeksenbi kúni elimizdiń kóp bóliginde jaýyn-shashynsyz aýa raıy saqtalady. Tek eldiń batysy men ońtústiginde atmosferalyq fronttardyń áserinen naızaǵaı oınap, jańbyr jaýýy múmkin.
Respýblıka aýmaǵynda tuman túsedi, soltústik óńirlerde kóktaıǵaq paıda bolýy yqtımal. Batys, ońtústik jáne ortalyq aımaqtarda jel kúsheıedi. Sonymen qatar ońtústik-batys pen ońtústikte shańdy daýyl bolýy yqtımal.
Qyzylorda oblysynyń shyǵysy, Túrkistan oblysynyń batysy jáne Jetisý oblysynyń ońtústiginde órt qaýipi joǵary deńgeıde saqtalady.
Buǵan deıin «Qazgıdromet» RMQ búgin elimizdiń basym bóliginde aýa raıy qolaısyz bolatynyn habarlaǵan edi.
