Qazgıdromet búgingi aýa raıy boljamyn jarııalady

Qazgıdromet el aýmaǵynda 29 qyrkúıekte bolatyn qaýipti meteorologııalyq qubylystarǵa boljam jasady, dep habarlaıdy QazAqparat.

"Soltústik-batys antıtsıklon jotasynyń áserinen elimizdiń batys jartysynda jaýyn-shashynsyz aýa raıy saqtalady, al eldiń qalǵan aýmaǵynda atmosferalyq fronttardyń áserinen jańbyr jaýady, kúndiz Almaty oblysynyń taýly aýdandarynda-jaýyn-shashyn (jańbyr, qar). Qazaqstannyń ońtústik jartysynda naızaǵaı oınaıdy. Respýblıka boıynsha tuman, ońtústikte, ońtústik-shyǵysta, kúndiz shyǵysta jáne ortalyqta ekpindi jel kútiledi", - dep jazdy sınoptıkter.

Aqtóbe oblysynyń soltústiginde túnde topyraq betinde 1 gradýs úsik júredi.

Túrkistan oblysynda, Qyzylorda oblysynyń ortalyǵynda, shyǵysynda, ońtústiginde tótenshe órt qaýpi bar.

Jambyl oblysynda, Qaraǵandy oblysynyń ońtústiginde jáne Ulytaý oblysynda, Batys Qazaqstan oblysynyń soltústiginde, Atyraý oblysynyń shyǵysynda, Mańǵystaý, Qyzylorda oblystarynyń batysynda joǵary órt qaýpi kútiledi.