Qazgıdromet: 29 qazannyń kún raıy boljamy
NUR-SULTAN. QazAqparat – «Qazgıdromet» RMK-sy qazannyń 29-y kúngi kún raıy boljamyn jarııalady, dep habarlaıdy QazAqparat.
Kásiporynnyń boljamyna qaraǵanda, frontaldy bólikterdiń áserine baılanysty respýblıkanyń basym bóliginde jaýyn-shashyn (jańbyr, qar), shyǵys jáne ońtústiktiń taýly aýdandarynda nóser jaýyn (jańbyr, qar) jaýady, tek elimizdiń ortalyǵynda joǵary qysymǵa baılanysty kún jaýyn-shashynsyz bolady.
Eldiń ońtústik-shyǵysynda, ońtústiginde, batysynda, soltústiginde, soltústik-batysynda, ortalyǵynda – tuman, soltústiginde – kóktaıǵaq, jaıaý burqasyn, soltústiginde, soltústik-batysynda, shyǵysynda, ońtústik-shyǵysynda – jel kúsheıýi yqtımal.
Soltústik Qazaqstan oblysynda jeldiń jyldamdyǵy sekýndyna 15-20 metrge jetedi, kúndiz 25 m/s bolady. Kúndiz Qazaqstannyń soltústiginde, batysynda kóktaıǵaq, jaıaý burqasyn bolady.
Aqmola oblysynyń shyǵysynda, soltústiginde jel 15-20 m/s bolady, kúndiz oblystyń soltústiginde – kóktaıǵaq kútiledi.
Pavlodar oblysynyń soltústik-batysynda jel 15-20 m/s jyldamdyqpen soǵady.
Qostanaı oblysynyń soltústiginde, soltústik-shyǵysynda jel 15-20 m/s jyldamdyqpen esedi, tańerteń jáne kúndiz – tuman túsýi yqtımal.
Jambyl oblysynyń taýly aýdandarynda jeldiń jyldamdyǵy sekýndyna 15-20 metrge jetedi. Túnde jáne tańerteń tuman túsedi. Túrkistan oblysynyń taýly aýdandarynda da tuman túsedi.
Batys Qazaqstan oblysynyń túnde jáne tańerteń batysynda, soltústiginde, Atyraý oblysynyń ońtústik-batysynda tuman bolady.
Qaraǵandy oblysynyń ortalyǵynda jáne shyǵysynda, túnde Shyǵys Qazaqstan oblysynyń soltústik aýmaǵynda tuman kútiledi.
