Qazgıdromet: 29 qańtarǵa arnalǵan aýa raıy boljamy
ASTANA. QazAqparat - 29 qańtar kúni respýblıka aýmaǵynyń basym bóliginde atmosferalyq frontaldyq aǵyndardyń ótýine baılanysty aýa raıynyń turaqsyzdyǵy saqtalady. Jer-jerlerde qar, boran, qatty jel soǵady, jekelegen aýdandarda tuman, kóktaıǵaq kútiledi, tek respýblıkanyń batysynda jáne soltústik shetki aımaqtarynda kún raıy jaýyn-shashynsyz, aıazdy bolady.
Bul týraly «Qazgıdrometke» silteme jasap, QR TJM baspasóz qyzmetinen habarlandy.
Qostanaı, Qaraǵandy, Shyǵys Qazaqstan, kúndiz Aqmola oblystarynyń keı jerlerinde burqasyn soǵyp, jeldiń kúshi 15-20 m/s-qa jetedi. Túnde Almaty oblysynyń keıbir tustarynda tuman, kóktaıǵaq oryn alsa, kúndiz Jalańashkól aýdanynda jel 15-20 m/s-qa deıin kúsheıedi, Jambyl oblysynyń keıbir aımaqtarynda tuman, kóktaıǵaq kútiledi, jeldiń kúshi 16-21 m/s-qa jetedi. Ońtústik Qazaqstan oblysynyń keı jerlerinde tuman túsip, kúndiz jeldiń kúshi 15-20 m/s-qa jetedi. Kúndiz Qyzylorda oblysynyń keıbir jerlerinde burqasyndatyp, tuman, kóktaıǵaq bolady, jel 15-20 m/s-qa deıin kúsheıedi. Mańǵystaý oblysynyń keı aýdandarynda boran soǵyp, kóktaıǵaq bolady, jel 15-20 m/s-qa deıin kúsheıedi, Atyraý oblysynyń keıbir jerlerinde burqasynǵa ulasqan jeldiń kúshi 17-22 m/s-qa jetedi. Batys Qazaqstan, Aqtóbe oblystarynda túnde tuman túsip, kúndiz Batys Qazaqstan oblysynda jeldiń ekpini 15-20 m/s-ke deıin kúsheıedi.
