Qazgıdromet 28 sáýirge arnalǵan aýa raıy boljamyn jarııalady
NUR-SULTAN. QazAqparat - «Qazgıdromet» mamandary 28 sáýirge arnalǵan aýa raıy boljamyn jarııalady, dep habarlaıdy QazAqparat.
Antıtsıklon áserinen Qazaqstannyń ońtústiginde, ońtústik-shyǵysynda jáne shyǵysynda jaýyn-shashyn jaýmaıdy, kún ashyq bolady.
Al Qazaqstannyń qalǵan aýmaǵynda aýa raıyn Ońtústik tsıklony jáne onymen baılanysty atmosferalyq fronttar anyqtaıdy. Saldarynan keı jerlerde jańbyr jaýyp, naızaǵaı oınaıdy.
Elimizdiń keı jerlerinde jel kúsheıip, ońtústik-batysta jáne soltústik-batysta tuman túsedi.
Soltústik Qazaqstan oblysynda jel ekpini 23-28 m/s deıin kúsheıedi. Keı jerlerde daýyl turady.
Pavlodar oblysynda jel jyldamdyǵy túnde keı jerlerde, kúndiz basym bóliginde 15-20 m/s jetedi.
Qostanaı oblysynda keı jerlerde tuman túsedi, jel qarqyny - 15-20 m/s.
Aqmola, túnde Jambyl, kúndiz Qyzylorda, Qaraǵandy, Shyǵys Qazaqstan oblystarynyń keı jerlerinde 15-20 m/s jyldamdyqpen kúshti jel soǵady.
Aqtóbe, Mańǵystaý oblystarynda túnde jáne tańerteń keı jerlerde tuman túsedi.
Almaty oblysynda Jalańashkól aýdanynda jel ekpini -15-20 m/s.
