Qazgıdromet: 28 qańtarǵa arnalǵan aýa raıy boljamy
ASTANA. QazAqparat - 28 qańtar kúni respýblıka aýmaǵynyń basym bóliginde jaýyn-shashynsyz, tek respýblıkanyń ońtústik jáne ońtústik-shyǵysynda atmosferalyq frontaldyq aǵyndardyń ótýine baılanysty aýa raıynyń turaqsyzdyǵy saqtalady. Jer-jerlerde qar, boranǵa ulasqan qatty jel, jekelegen aýdandarda tuman, kóktaıǵaq kútiledi. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Shyǵys Qazaqstan oblysynyń keıbir jerlerinde burqasyn bolady, jeldiń kúshi 15-20 m/s-qa jetedi. Jarma aýdanynda jeldiń ekpini 25-28 m/s-qa deıin barady. Qaraǵandy oblysynda túnde keı jerlerde boran soǵyp, tuman túsedi, jel 15-20 m/s bolady. Almaty oblysynyń keı tustarynda tuman, kóktaıǵaq oryn alsa, túnde jel 15-20 m/s-qa kúsheıedi. Qostanaı oblysynyń keıbir aýdandarynda jel 15-20 m/s-qa kúsheıip, túnde burqasyndatady. Aqmola oblysynda kúndiz keı jerlerde boran soǵyp, jeldiń kúshi 15-20 m/s-qa jetedi. Jambyl, Ońtústik Qazaqstan oblystarynyń keı óńirlerinde tuman, kóktaıǵaq kútiledi. Qyzylorda, Atyraý oblystarynyń jer-jerlerinde jeldiń kúshi 15-20 m/s bolady. Túnde Qaraǵandy oblysynyń keı aımaqtarynda aıaz kúsheıe túsedi dep kútilýde.
