Qazgıdromet 27 tamyzǵa arnalǵan aýa raıy boljamyn jarııalady

NUR-SULTAN. QazAqparat - 27 tamyz, senbi kúni elimizdiń soltústik, shyǵys aımaqtarynda aýa raıyna tsıklondar áser etedi. Saldarynan atalǵan óńirlerde jaýyn jaýady, naızaǵaı jarqyldaıdy, dep habarlaıdy QazAqparat Qazgıdrometke silteme jasap.

Qazaqstannyń qalǵan aýmaǵynda áli de bultty jáne qurǵaq aýa raıy jalǵasady.

Respýblıka boıynsha keı jerlerde jel kúsheıedi.

Qyzylorda, Túrkistan oblystarynyń basym bóliginde, Atyraý oblysynyń batysy men shyǵysynda, Batys Qazaqstan, Abaı oblystarynyń ońtústiginde tótenshe órt qaýpi saqtalady.

Kúndiz Atyraý, Batys Qazaqstan oblystarynyń basym bóliginde qatty ystyq bolady.

Nur-Sultan qalasynda kóshpeli bult shyǵady, kúndiz jańbyr jaýyp, naızaǵaı oınaıdy. Soltústik-batystan, soltústikten jel soǵady, jeldiń kúshi túnde - 3-8, kúndiz - 9-14 m/s. Aýa temperatýrasy túnde +11+13°S, kúndiz +25+27°S bolady.

Almaty qalasynda kóshpeli bultty, jaýyn-shashynsyz. Jel qarqyny - 2-7 m/s. Aýanyń temperatýrasy túnde +12+14°S, kúndiz +26+28°S bolady.

Shymkent qalasynda kóshpeli bulttar jóńkiledi, jaýyn-shashyn jaýmaıdy. Soltústik-shyǵystan jel soǵady, kúshi 8-13 m/s.

Aýa temperatýrasy túnde +14 +16°S, kúndiz +31 +33°S bolady.