Qazgıdromet: 27 maýsymda Almaty, Aqmola, Qyzylorda oblystarynda burshaq jaýýy yqtımal
ASTANA. 26 maýsym. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK boljaýynsha, 27 maýsymda respýblıkanyń basym aýmaǵynda aýa raıynyń turaqsyzdyǵy saqtalady.
Atmosferalyq aǵymdardyń ótýine baılanysty jańbyr jaýyp, jekelegen jerlerde nóser bolyp, naızaǵaı oınap, ekipindi jel soǵady, burshaq jaýýy múmkin.
Aqmola, Ońtústik Qazaqstan, Qyzylorda, Jambyl, Soltústik Qazaqstan, kúndiz Almaty oblysynda, Pavlodar oblysynyń jekelegen jerlerinde 15-20 m/s jyldamdyqpen jel soǵady dep kútilýde.
Qostanaı oblysynda túnde tuman bolady, jeldiń ekpini 15-20 m/s-qa deıin jetedi.
Almaty, Aqmola, Qyzylorda oblystarynda burshaq jaýýy yqtımal.
Qyzylorda oblysynda keı jerlerde, Ońtústik Qazaqstan, Atyraý, Aqtóbe, Almaty oblystarynda tótenshe joǵary órt qaýpi saqtalady.
Pavlodar, Atyraý, Batys Qazaqstan, Shyǵys Qazaqstan oblystarynda jáne Qaraǵandy oblysynyń keı jerlerinde kúnniń qatty ysýy saqtalady.
Aldaǵy táýlikterde respýblıkanyń ońtústik, ońtústik-shyǵys jáne shyǵys taýly ózenderinde sý deńgeıiniń aýytqýshylyǵy saqtalady.
