Qazgıdromet: 27 qarashaǵa arnalǵan aýa raıy boljamy
ASTANA. 26 qarasha. QazAqparat - Erteń Qazaqstan Respýblıkasynyń basym bóliginde kólemdi antıtsıklon yqpalymen jaýyn-shashynsyz aýa raıy saqtalady, keı jerlerde tuman túsedi. Tek respýblıkanyń batysynda atmosferalyq aǵyndardyń ótýine baılanysty keı jerlerde jańbyr jaýady dep kútilýde. Bul týraly «Qazgıdrometke» silteme jasap, QR TJM baspasóz qyzmetinen habarlady.
Almaty oblysynyń Jalańashkól aýdanynda jel 15-20 m/s-ke kúsheıdi, jel ekpini 25 m/s, túnde jáne tańerteń keı jerlerde tuman túsedi. Qostanaı oblysynda túnde birqatar jerlerde tuman túsedi dep kútilýde. Atyraý, Mańǵystaý, Shyǵys Qazaqstan oblystarynda, túnde jáne tańerteń Jambyl oblysynda keı jerlerde tuman túsedi dep kútilýde.
Jaqyn táýlikterde Qazaqstannyń soltústik bóliginiń kóptegen ózenderinde muz qalyptasý úrdisi jalǵasady, soǵan baılanysty respýblıkanyń shyǵysynyń jekelegen ózenderinde sý deńgeıi turaqsyz bolady dep kútilýde.
Qyzylorda oblysynyń aýmaǵynda Syrdarııa ózeninde ózen arnalaryn retteý esebinen sý deńgeıiniń turaqsyzdyǵy baıqalady. Respýblıkanyń ońtústigi jáne ońtústik-shyǵysynyń sý nysandarynda joǵary temperatýra aıasynda sý jylynady dep kútilýde.
