Qazgıdromet: 27 aqpan kúni respýblıkanyń basym bóliginde boran soǵady
ASTANA. QazAqparat - 27 aqpan kúni Qazaqstannyń basym bóliginde antıtsıklonnyń yqpaly saqtalady, jaýyn-shashynsyz aýa raıy kútiledi, keıbir aımaqtarda tuman túsýi múmkin. Tek respýblıkanyń soltústigi pen soltústik-shyǵysynda aýa raıynyń turaqsyzdyǵy saqtalady, qar túsip, jel kúsheıedi, boran soǵýy yqtımal, dep habarlaıdy «Qazgıdrometke» silteme jasap QR TJM baspasóz qyzmetinen.
Aqmola, Qostanaı, Soltústik Qazaqstan, Qaraǵandy, Pavlodar, Shyǵys Qazaqstan oblystarynyń birqatar jerlerinde boran soǵyp, ekpini 15-20 m/s bolatyn jel soǵady. Qostanaı, Soltústik Qazaqstan oblystarynda kóktaıǵaq bolady. Almaty, Ońtústik Qazaqstan oblystarynyń birqatar aımaqtarynda tuman túsedi. Jambyl, Mańǵystaý, Atyraý oblystarynyń keıbir jerlerinde jel 15-20 m/s-qa deıin kúsheıedi. Jambyl, Mańǵystaý oblystarynda tuman bolýy yqtımal.
