Qazgıdromet: 26 qarashaǵa arnalǵan aýa raıy boljamy
ASTANA. 25 qarasha. QazAqparat - Erteń Qazaqstan respýblıkasynyń basym bóliginde kólemdi antıtsıklon yqpalymen jaýyn-shashynsyz aýa raıy saqtalady, respýblıkanyń ońtústigi jáne ońtústik-batysynyń keı jerlerinde azdap jańbyr jaýady. Keı jerlerde tuman saqtalady, ońtústik bólikte jel kúsheıedi. Bul týraly «Qazgıdrometke» silteme jasap, QR TJM baspasóz qyzmetinen habarlaıdy.
Mańǵystaý, Atyraý, Batys Qazaqstan, Shyǵys Qazaqstan oblystarynda, túnde jáne tańerteń Qostanaı, Soltústik Qazaqstan oblystarynyń birqatar aımaqtarynda tuman túsedi dep kútilýde. Almaty, Jambyl oblystarynda keı jerlerde tuman túsedi, jel 15-20 m/s-ke kúsheıedi.
Jaqyn táýlikterde Qazaqstannyń soltústik bóliginiń kóptegen ózenderinde muz qalyptasý úrdisi jalǵasady, soǵan baılanysty respýblıkanyń shyǵysynyń jekelegen ózenderinde sý deńgeıi turaqsyz bolady dep kútilýde.
Qyzylorda oblysynyń aýmaǵynda Syrdarııa ózeninde ózen arnalaryn retteý esebinen sý deńgeıi turaqsyz bolýy múmkin. Qazaqstannyń qalǵan sý nysandarynda gıdrologııalyq tártipte aıtarlyqtaı ózgerister bolmaıdy.
