Qazgıdromet: 25 shildede Qazaqstan aýmaǵynda jańbyr jaýyp, naızaǵaı jarqyldaıdy, jel kúsheıedi
ASTANA. 24 shilde. QazAqparat - Qazaqstannyń basym bóliginde 25 shildede aýa raıynyń turaqsyzdyǵy saqtalady, keı jerlerde naızaǵaı jarqyldap, jańbyr jaýady, tuman túsedi dep kútilýde, uıytqyǵan jel soǵyp, keı jerlerde burshaq jaýýy múmkin.
Bul týraly Qazgıdrometke silteme jasap, QR TJM baspasóz qyzmetinen habarlaıdy.
Almaty, Mańǵystaý, Pavlodar oblystarynda, kúndiz Atyraý, Batys Qazaqstan, Aqtóbe, Soltústik Qazaqstan, Qaraǵandy, Shyǵys Qazaqstan oblystarynda keı jerlerde jeldiń 15-20 m/s-qa deıin kúsheıýi kútilýde, Batys Qazaqstan oblysynda shań kóterilip, daýyl turady.
Kúndiz Shyǵys Qazaqstan oblysynda burshaq jaýýy múmkin.
Qostanaı oblysynda keı jerlerde jel 18 m/s-qa kúsheıedi, túnde jáne tańerteń keı jerlerde tuman túsedi dep kútilýde.
Jambyl, Qyzylorda, Aqtóbe oblystarynda, keı jerlerde Ońtústik Qazaqstan, Qostanaı, Qaraǵandy, Aqmola oblystarynda kúndiz qatty ystyq bolady dep kútilýde.
Respýblıkanyń soltústik-batysynda, batysynda, ońtústiginde, ońtústik-shyǵysynda, ortalyǵynda keı jerlerde tótenshe joǵary órt qaýpi saqtalady.
