Qazgıdromet: 25 qańtarǵa arnalǵan aýa raıy boljamy
ASTANA. 24 qańtar. QazAqparat - 25 qańtar kúni respýblıka aýmaǵynyń basym bóliginde burynǵysha atmosferalyq frontaldyq aǵyndardyń ótýine baılanysty aýa raıynyń turaqsyzdyǵy saqtalady, jer-jerlerde qar, burqasyn qatty jelge ulasady, jekelegen aýdandarda tuman, kóktaıǵaq bolady, tek respýblıkanyń shetki soltústik aımaqtarynda aýa raıy jaýyn-shashynsyz bolady. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Aqtóbe, Qaraǵandy oblystarynyń keı jerlerinde burqasyndatyp, jeldiń kúshi 15-20 m/s-qa jetedi. Qostanaı oblysynyń keıbir jerlerinde boran kútiledi, tańerteń jáne kúndiz jel 15-20 m/s-qa kúsheıedi, túnde jáne tańerteń tuman túsedi. Atyraý oblysynda kúndiz jer-jerlerde boran soǵyp, jel 15-20 m/s-qa jetedi, túnde jáne tańerteń tuman, kóktaıǵaq oryn alady. Shyǵys Qazaqstan oblysynyń keıbir óńirlerinde jel 15-20 m/s-qa deıin kúsheıip, tańerteń jáne kúndiz boranǵa ulasady. Jambyl, Mańǵystaý oblystarynyń keı tustarynda tuman túsip, kóktaıǵaq bolady. Jeldiń kúshi 15-20 m/s-qa jetedi. Almaty oblysynyń jer-jerlerinde tuman, kóktaıǵaq, Jalańashkól aýdanynda jel 17-22 m/s-qa deıin kúsheıedi. Ońtústik Qazaqstan oblysynyń keıbir aımaqtarynda tuman túsip, 15-20 m/s-qa jel kúsheıedi. Kúndiz Qyzylorda oblysynyń keı jerlerinde tuman, kóktaıǵaq kútiledi.
