«Qazgıdromet» 24 jeltoqsanda respýblıkanyń úsh qalasynda aýa raıy buzylatyndyǵyn eskertti
ASTANA. 23 jeltoqsan. QazAqparat - «Qazgıdromet» RMK dúısenbi, 24 jeltoqsan kúni Aqtaý qalasy, Qaraǵandy jáne Pavlodar qalalarynda aýa raıynyń buzylatyndyǵyn eskertti.
Osy kúngi aýa raıyna tolyǵymen toqtalatyn bolsaq, Astanada kúndiz aýa temperatýrasy -18-20, túnde -23-25-ti quraıdy, sekýndyna 9-14 metr jyldamdyqpen soqqan jeldiń ekpini keı ýaqyttar 18 ms/s-qa deıin kúsheıýi múmkin. Aýyspaly bultty, ara-tura qar jaýyp, burqasyndatady.
Almaty qalasynda kúndiz 0-2, túnde 0 gradýs shamasynda, 0-5 m/s kúshpen jel soǵady, kóshpeli bultty, túnde jaýyn-shashyn jaýyp, tuman túsedi.
Aqtóbe qalasynda kúndiz -18-20, túnde -23-25 gradýs aıaz bolady. Sekýndyna 7-12 metr jyldamdyqpen jel turady, jaýyn-shashynsyz.
Aqtaý qalasynda kúndiz aýa baǵamy -9, túnde -2-4 gradýsty kórsetedi, 9-14 m/s kúshpen soǵatyn jeldiń ekpini 18 m/s-qa deıin artýy múmkin, ara-tura jaýyn-shashyn jaýady.
Atyraý qalasynda kúndiz -14-16, túnde -19-21 gradýs sýyq bolady, 9-14 m/s jyldamdyqta jel bolady, kóshpeli bultty, jaýyn-shashynsyz.
Oral qalasynda kúndiz aýa temperatýrasy -14-16, túnde -23-25 gradýs bolady, 9-14 m/s kúshpen jel soǵady, aýyspaly bultty, jaýyn-shashynsyz.
Óskemen qalasynda kúndiz aýa baǵamy -13-15, túnde -18-20 gradýsty kórsetedi, sekýndyna 7-12 metr kúshpen jel soǵady, ara-tura qar jaýady.
Semeı qalasynda kúndiz -12-14, túnde -18-20 gradýs bolady, 7-12 m/s jyldamdyqta jel turady, qar jaýady.
Qaraǵandy qalasynda kúndiz -11-13, túnde -13-15 gradýs aıaz bolady, 9-14 m/s kúshpen soǵatyn jeldiń ekpini túnde údeı túsedi, qar jaýyp, burqasyndatady.
Petropavl qalasynda kúndiz temperatýra baǵamy -23-25, túnde -26-28 gradýsty kórsetedi, sekýndyna 9-14 metr kúshpen jel soǵady, jaýyn-shashynsyz.
Pavlodar qalasynda kúndiz -13-15, túnde -15-17 gradýs bolady, ońtústik-shyǵystan soǵatyn jeldiń kúshi 17-22 m/s-qa deıin kúsheıýi yqtımal. Qar jaýyp, burqasyndatady.
Shymkent qalasynda kúndiz +2+4, túnde -1-3 gradýs, 9-14 m/s jyldamdyqpen jel soǵady, ara-tura jaýyn-shashyn jaýady.
Taraz qalasynda kúndiz aýa temperatýrasy -2-4, túnde -4-6 gradýs bolady, túnde ońtústik-batystan sekýndyna 9-14 metr kúshpen jel soǵady, jaýyn-shashynsyz, tuman túsýi yqtımal.
Qyzylorda qalasynda kúndiz -8-10, túnde -14-16 gradýs sýyq, 9-14 m/s ekpinde jel turyp, qar jaýady.
