Qazgıdromet: 23 shilde kúngi aýa raıy boljamy
NUR-SULTAN.QazAqparat – 23 shilde kúni Qazaqstannyń basym bóliginen atmosferalyq frontaldy bólikterdiń ótýine baılanysty aýa raıy qubylmaly bolady.
Keı jerlerde jańbyr jaýyp, kún kúrkirep, jel kúsheıedi. Eldiń soltústik-batysynda burshaq jaýýy múmkin. Respýblıkanyń keı bólikterinde jel kúsheıip, ońtústikte ol shańdy daýylǵa ulasady, dep habarlaıdy QazAqparat.
Shyǵys Qazaqstan, kúndiz Aqmola, Aqtóbe, Atyraý oblystarynyń keı jerlerinde jel kúsheıip, jyldamdyǵy sekýndyna 15-20 metrge jetedi.
Kúndiz Jambyl, Soltústik Qazaqstan oblystarynda jel sekýndyna 15-20 metr jyldamdyqpen uıtqıdy.
Túrkistan, Qyzylorda oblystarynyń birqatar óńirinde sekýndyna 15-20 metr jyldamdyqpen jel soǵyp, arty shańdy daýylǵa ulasady. Qyzylorda oblysynda jel kúsheıedi.
Kúndiz Batys Qazaqstan oblysynyń keı jerlerinde jel kúsheıip, jyldamdyǵy sekýndyna 15-20 metrge jetedi.
Qostanaı oblysynyń birqatar óńirinde jel kúsheıip, jyldamdyǵy sekýndyna 15-20 metrge, ekpini 23 metr bolady.
Qaraǵandy oblysynyń keı jerlerinde jel kúsheıip, jyldamdyǵy sekýndyna 15-20 metr bolady.
Kúndiz Almaty oblysynda, Mańǵystaý, Qyzylorda, Atyraý, Batys Qazaqstan, Aqtóbe, Qaraǵandy oblystarynyń ońtústiginde aptap ystyq bolady.
Qyzylorda, Aqtóbe, Atyraý, Jambyl oblystarynyń basym bóliginde jáne Batys Qazaqstan, Túrkistan, Almaty, Qaraǵandy oblystarynyń keı jerlerinde órt qaýipi saqtalady.
