Qazgıdromet: 23 qańtarǵa arnalǵan aýa raıy boljamy
ASTANA. 22 qańtar. QazAqparat - 23 qańtar kúni respýblıka aýmaǵynyń basym bóliginde atmosferalyq frontaldyq aǵyndardyń ótýine baılanysty aýa raıynyń turaqsyzdyǵy saqtalady, jer-jerlerde qar, boran soǵyp, jel kúsheıedi, jekelegen aýdandarda tuman, kóktaıǵaq oryn alady, tek respýblıkanyń soltústik batysynda jáne shyǵysta aýa raıy jaýyn-shashynsyz bolady. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Atyraý oblysynda jel 12-50 m/s-qa kúsheıedi, jekelegen aımaqtarda burqasyndatyp, kóktaıǵaq bolady, Batys Qazaqstan oblysynda jer-jerlerde boran soǵyp, jeldiń kúshi 15-20 m/s-qa jetedi. Almaty, Jambyl, Ońtústik Qazaqstan oblysynyń keı jerlerinde tuman túsip, kóktaıǵaq bolady. Mańǵystaý oblysynyń keı jerlerinde jel 15-20 m/s-qa kúsheıedi. Aqmola oblysynda, túnde jáne tańerteń Aqtóbe, Qostanaı, Shyǵys Qazaqstan oblystarynyń keıbir jerlerinde tuman kútiledi.
