Qazgıdromet: 22 qańtarǵa arnalǵan aýa raıy boljamy
ASTANA. 21 qańtar. QazAqparat - 22 qańtar kúni respýblıka aýmaǵynyń batys jaǵy joǵary atmosferalyq qysym jaǵdaıynda bolady, aýa raıy jaýyn-shashynsyz. Respýblıkanyń shyǵys bóliginde burynǵysha atmosferalyq frontaldyq aǵyndardyń ótýine baılanysty aýa raıynyń turaqsyzdyǵy saqtalady, jekelegen aýdandarda qar jaýyp, jel kúsheıedi, boran soǵyp, tuman túsedi, kóktaıǵaq oryn alady. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Almaty oblysynyń keıbir jerlerinde tuman túsip, kóktaıǵaq bolady, jel 15-20 m/s-qa deıin kúsheıedi, Jambyl oblysynyń jekelegen aýdandarynda burqasyndatyp, jeldiń kúshi 15-20 m/s-qa deıin jetedi. Shyǵys Qazaqstan oblysynyń birqatar aımaqtarynda jel 15-20 m/s-qa deıin kúsheıip, túnde jáne tańerteń boranǵa ulasady. Ońtústik Qazaqstan oblysynyń keı jerlerinde tuman, kóktaıǵaq kútiledi. Aqmola, Soltústik Qazaqstan, Mańǵystaý, Atyraý oblystarynda kúndiz keıbir jerlerinde 15-20 m/s-qa deıin jel kúsheıedi. Qaraǵandy oblysynyń jekelegen óńirlerinde tuman kútiledi.
