Qazgıdromet: 2 maýsymda Qazaqstannyń batysy men shyǵysynda naızaǵaı aralas jańbyr jaýady, respýblıkanyń ortalyǵynda kún qatty ysıdy
ASTANA. 1 maýsym. QazAqparat - Qazaqstan Respýblıkasynyń Qorshaǵan ortany qorǵaý mınıstrliginiń «Qazgıdromet» RMK boljaýynsha, 2 maýsymda Qazaqstannyń basym aýmaǵynda kún raıy jaýyn-shashynsyz bolady dep kútilýde,
respýblıkanyń batysy men shyǵysynda naızaǵaı aralas ótkinshi jańbyr jaýady.
Almaty, Shyǵys Qazaqstan, kúndiz Atyraý, Batys Qazaqstan, Aqtóbe jáne Qostanaı oblystarynyń jekelegen jerlerinde 15-20 m/s jyldamdyqpen jel soǵady.
Kúndiz jáne túnde Mańǵystaý oblysynyń Kaspııge qarasty jaǵalaýynda tuman bolady, jeldiń ekpini 15-20 m/s - qa deıin jetedi.
Aqtóbe, keı jerlerde Aqmola jáne Qaraǵandy oblystarynda kún qatty ysıdy dep kútilýde.
Qyzylorda, jekelegen jerlerde Aqtóbe, Mańǵystaý jáne Ońtústik Qazaqstan oblystarynda tótenshe joǵary órt qaýpi saqtalady.
Aldaǵy 3 táýlikte respýblıkanyń ońtústik, ońtústik-shyǵys jáne shyǵys taýly ózenderinde sý deńgeıiniń aýytqýshylyǵy baıqalady.
