Qazgıdromet: 2 qazanda respýblıka aýmaǵynyń basym bóliginde jaýyn-shashyn bolady
ASTANA. 1 qazan. QazAqparat - 2 qazanda Qazaqstan aýmaǵynyń basym bóliginde atmosferalyq aǵyndardyń ótýine baılanysty jaýyn-shashyn bolady, jel kúsheıedi dep kútilýde. Tek respýblıkanyń ońtústiginde, ońtústik-shyǵysynda jáne ortalyǵynda aýa raıy jaýyn-shashynsyz bolýy yqtımal. Bul týraly «Qazgıdrometke» silteme jasap, QR TJM baspasóz qyzmetinen habarlady.
Mańǵystaý, Batys Qazaqstan, Aqmola, Pavlodar, Shyǵys Qazaqstan, Jambyl oblystarynda, kúndiz Atyraý, Aqtóbe, Qostanaı, Soltústik Qazaqstan oblystarynda keı jerlerde jel 15-20 m/s-qa kúsheıedi dep kútilýde, Aqmola, Qostanaı, Soltústik Qazaqstan, Atyraý oblystarynda túnde jáne tańerteń tuman túsedi.
Respýblıkanyń ońtústiginde, ońtústik-shyǵysynda, shyǵysynda jáne ortalyǵynda joǵary órt qaýpi saqtalady.
Jaqyn táýlikterde respýblıkanyń ońtústigi, ońtústik-shyǵysy jáne shyǵysynyń taýly ózenderinde sý deńgeıiniń turaqsyzdyǵy baıqalady.
