Qazgıdromet: 19 jeltoqsanǵa arnalǵan aýa raıy boljamy
ASTANA.18 jeltoqsan. QazAqparat - Erteń Qazaqstan aýmaǵynda aýa raıynyń turaqsyzdyǵy saqtalady, atmosferalyq aǵyndardyń ótýine baılanysty jaýyn-shashyn saqtalady, jel kúsheıedi, boran soǵady, kók taıǵaq bolady, tuman túsedi, tek respýblıkanyń shetkeri ońtústiginde aýa raıy jaýyn-shashynsyz bolady. Bul týraly «Qazgıdrometke» silteme jasap, QR TJM baspasóz qyzmetinen habarlady.
Aqmola, Soltústik Qazaqstan, Pavlodar, Aqtóbe, Qostanaı, Qaraǵandy oblystarynda boran soǵady dep kútilýde, 17-22 m/s jel soǵady, jel ekpini 25 m/s bolady, keı jerlerde 30 m/s-tan asady. Jambyl, Qyzylorda oblystarynyń birqatar aımaqtarynda jel 15-20 m/s-ke kúsheıip, Jambyl oblysynda keı jerlerde tuman túsedi, kóktaıǵaq bolady. Ońtústik Qazaqstan oblysynda, kúndiz Mańǵystaý oblysynyń keıbir jerlerde tuman túsip, kóktaıǵaq bolady. Batys Qazaqstan, Atyraý oblystarynyń birqatar aımaqtarynda boran soǵady dep kútilýde, jel 15-20 m/s-ke kúsheıedi, Batys Qazaqstan oblysynda keı jerlerde kóktaıǵaq bolady. Qaraǵandy, Shyǵys Qazaqstan oblystarynda keı jerlerde boran soǵady dep kútilýde, jel 15-20 m/s-ke kúsheıedi, Qaraǵandy oblysynda jel ekpini 25 m/s -ke deıin barady. Almaty oblysynda keı jerlerde kóktaıǵaq bolady.
Jaqyn táýlikterde Qazaqstannyń sýly nysandarynda muz qalyptasý úrdisiniń kúsheıýi baıqalady, jekelegen ózenderde sý deńgeıi kóteriledi, seń qalyptasady.
