«Qazgıdromet» 16 oblysta daýyldy eskertý jarııalady

ASTANA. KAZINFORM — Tuman, burqasyn, kóktaıǵaqqa baılanysty elimizdiń 16 óńirinde daýyldy eskertý jasaldy, dep habarlaıdy «Qazgıdromet» RMK baspasóz qyzmeti.

Qyzylorda oblysynyń soltústiginde, ortalyǵynda túnde qatty qar, jaıaý burqasyn kútiledi. Oblystyń ortalyǵynda, soltústiginde, shyǵysynda tuman, oblystyń ortalyǵynda, soltústiginde kóktaıǵaq kútiledi. Jel soltústik-batystan soǵady, túnde oblystyń ortalyǵynda, soltústiginde kúshi 15-20 m/s jetetin jel soǵady. Qyzylorda qalasynda keı ýaqyttarda tuman kútiledi.

24 aqpanda Almaty oblysynda ońtústik-batystan jel soǵady, oblystyń batysynda, shyǵysynda ekpini 17-22 m/s. Qonaev qalasynda ońtústik-batystan jel soǵady, keı ýaqytta ekpini 17-22 m/s.

Aqtóbe oblysynyń túnde qar, burqasyn, oblystyń ońtústiginde, shyǵysynda qatty qar kútiledi. Kúndiz oblystyń soltústiginde, shyǵysynda qar jaýady, jaıaý burqasyn bolady. Soltústik-batystan jel soǵady, oblystyń soltústiginde, shyǵysynda ekpini 15-20 m/s.

24-25 aqpanda Jetisý oblysynda ońtústik-shyǵystan jel soǵady, Alakól kólderi aýdanynda ekpini 15-20, keı ýaqyttarda 23-28 m/s.

Túnde Aqmola oblysynyń batysynda, ońtústiginde qar, jaıaý burqasyn kútiledi, kúndiz oblystyń batysynda, ońtústiginde jaýyn-shashyn (jańbyr, qar), jaıaý burqasyn, kóktaıǵaq bolady. Oblystyń batysynda, soltústiginde, shyǵysynda tuman kútiledi. Shyǵystan jel soǵady, oblystyń batysynda, ońtústiginde ekpini 15-20 m/s.

24 aqpanda Atyraý oblysynyń ońtústiginde, shyǵysynda tuman kútiledi.

Túnde Jambyl oblysynyń taýly aýdandarynda jaýyn-shashyn (jańbyr, qar), kóktaıǵaq, kúndiz oblystyń batysynda, ońtústiginde, taýly aýdandarynda jańbyr kútiledi. Túnde jáne tańerteń oblystyń soltústiginde, ońtústiginde, taýly aýdandarynda tuman basady. Soltústik-shyǵystan soǵatyn jel ońtústik-batys jeline aýysady, oblystyń ontústik-batysynda, soltústik-shyǵysynda, taýly aýdandarynda 15-20 m/s kútiledi. Taraz qalasynda túnde jáne tańerteń tuman kútiledi.

Batys Qazaqstan oblysynda túnde oblystyń basym bóliginde qar, kúndiz oblystyń batysynda, soltústiginde qar kútiledi. Oblystyń batysynda, soltústiginde, shyǵysynda jaıaý burqasyn, tuman kútiledi. Oral qalasynda qar, jaıaý burqasyn, tuman kútiledi.

24 aqpanda Shyǵys Qazaqstan oblysynyń soltústiginde, ońtústiginde tuman kútiledi. Óskemen qalasynda túnde jáne tańerteń tuman kútiledi.

Ulytaý oblysynyń batysynda, soltústiginde, ońtústiginde jaýyn-shashyn (jańbyr, qar), jaıaý burqasyn, kóktaıǵaq kútiledi. Oblystyń batysynda, soltústiginde, ortalyǵynda tuman basady. Shyǵystan, ońtústik-shyǵystan jel soǵady, oblystyń batysynda, soltústiginde, shyǵysynda ekpini 15-18 m/s. Jezqazǵan qalasynda jaýyn-shashyn (jańbyr, qar), jaıaý burqasyn, kóktaıǵaq kútiledi. Tuman. Shyǵystan, ońtústik-shyǵystan jel soǵady, tańerteń jáne kúndiz ekpini 18 m/s.

24 aqpanda kúndiz Qaraǵandy oblysynyń batysynda azdaǵan jaýyn-shashyn (jańbyr, qar), kóktaıǵaq kútiledi. Oblystyń batysynda, soltústiginde keı ýaqytta tuman.

Túnde Túrkistan oblysynyń soltústiginde, batysynda, taýly aýdandarynda jaýyn-shashyn (kóbinese jańbyr), kúndiz jańbyr, oblystyń ońtústiginde, taýly aýdandarynda qatty jańbyr, naızaǵaı kútiledi. Túnde oblystyń soltústiginde tuman túsedi. Ońtústik-batystan soltústik-batysqa aýysatyn jel soǵady, oblystyń soltústiginde, ońtústiginde, taýly aýdandarynda kúshi 15-20 m/s. Shymkent qalasynda 24 aqpanda keı ýaqyttarda jańbyr, kúnniń ekinshi jartysynda qatty jańbyr kútiledi. Ońtústik-batystan soltústik-batysqa aýysatyn jel soǵady, kúndiz ekpini 15-20 m/s. Túrkistan qalasynda 24 aqpanda keı ýaqyttarda jańbyr kútiledi. Ońtústik-batystan soltústik-batysqa aýysatyn jel soǵady, kúndiz ekpini 15-20 m/s.

Soltústik Qazaqstan oblysynyń ońtústik-batysynda jaıaý burqasyn kútiledi. Túnde jáne tańerteń oblystyń ońtústiginde tuman kútiledi. Shyǵystan jel soǵady, oblystyń batysynda, ońtústiginde, soltústiginde ekpini 15-20 m/s. Petropavl qalasynda shyǵystan jel soǵady, ekpini 15-20 m/s kútiledi.

24 aqpanda túnde jáne tańerteń Pavlodar oblysynyń ońtústiginde, batysynda tuman kútiledi.

Mańǵystaý oblysynyń batysynda, soltústiginde, ortalyǵynda tuman, joldarda kóktaıǵaq kútiledi. Aqtaý qalasynda joldarda kóktaıǵaq kútiledi. Túnde tuman kútiledi.

Qostanaı oblysynyń batysynda, ońtústiginde qar, burqasyn, kúndiz jaýyn-shashyn (qar, jańbyr), burqasyn, oblystyń batysynda, soltústiginde qatty qar, oblystyń ońtústiginde, shyǵysynda kóktaıǵaq, tuman kútiledi. Soltústik-shyǵystan jel soǵady, oblystyń batysynda, soltústiginde, shyǵysynda ekpini 15-20 m/s kútiledi. Qostanaı qalasynda 24 aqpanda tańerteń jáne kúndiz qar, burqasyn kútiledi. Soltústik-shyǵystan jel soǵady, ekpini 15-20 m/s kútiledi.

Budan buryn ShQO-daǵy tasjoldardyń biri úshinshi kún qatarynan jabylǵany habarlandy.