Qazgıdromet 16 qańtarda aýa raıy qandaı bolatynyn jarııalady
NUR-SULTAN. QazAqparat - Sınoptıkter 16 qańtarǵa arnalǵan aýa raıy boljamyn jarııalady, dep habarlaıdy QazAqparat «Qazgıdrometke» silteme jasap.
Elimizdiń batys aýmaǵyna Qara teńiz aýdanynan keletin tsıklon óz áserin tıgizedi.
Sonyń saldarynan qar men jańbyr jaýady.
Al respýblıkanyń shyǵysy Novosibirden kelgen antıtsıklon yqpalynda bolady.
Osyǵan baılanysty jaýyn-shashyn jaýmaıdy.
Respýblıkanyń keı jerlerinde tuman túsedi, kóktaıǵaq bolady.
Jel kúsheıip, jaıaý burqasyn kóteriledi.
Almaty oblysynyń túnde jáne tańerteń keı jerlerinde tuman kútiledi, Alakól aýdanynda jel 20-25, ekpini 30 m/s kúsheıedi.
Jambyl, Atyraý oblystarynyń keı jerlerinde tuman, kóktaıǵaq, jeldiń kúshi - 15-20 m/s. Jambyl oblysynda ekpini 23-28 m/s jetedi.
Batys Qazaqstan oblysynyń keı jerlerinde tuman, kóktaıǵaq, burqasyn kútiledi, jeldiń kúshi 15-20, kúndiz ekpini 25 m/s kúsheıedi.
Qaraǵandy oblysynyń keı jerlerinde tuman kútiledi, jeldiń kúshi 15-20, ekpini 23 m/s jetedi.
Túrkistan oblysynyń keı jerlerinde tuman, jaıaý burqasyn kútiledi, jel 15-20 m/s kúsheıedi.
Aqtóbe oblysynyń keı jerlerinde tuman, kóktaıǵaq kútiledi, jel 18 m/s, túnde Muǵaljar aýdanynda ekpini 23 m/s kúsheıedi.
Qostanaı oblysynyń keı jerlerinde jaıaý burqasyn kútiledi, jel 15-20 m/s kúsheıedi, kúndiz – kóktaıǵaq.
Soltústik Qazaqstan oblysynyń keı jerlerinde tuman kútiledi, jel 15-20 m/s kúsheıedi, kúndiz – jaıaý burqasyn.
Aqmola, Qyzylorda oblystarynyń keı jerlerinde jel 15-20 m/s, Aqmola oblysynda jaıaý burqasynmen birge kútiledi.
Mańǵystaý oblysynyń keı jerlerinde tuman, kóktaıǵaq kútiledi, túnde jel 15-20 m/s kúsheıedi.
Shyǵys Qazaqstan oblysynyń keı jerlerinde tuman kútiledi.
