Qazgıdromet: 15 qańtarǵa arnalǵan aýa raıy boljamy
ASTANA. 14 qańtar. QazAqparat - 15 qańtar kúni respýblıka aýmaǵynyń basym bóliginde burynǵysha atmosferalyq aǵyndardyń ótýine baılanysty jer-jerlerde qar, boran, qatty jel, tuman saqtalady, tek respýblıkanyń shetki ońtústik-shyǵys aımaǵynda aýa raıy jaýyn-shashynsyz bolady. Bul týraly "Qazgıdrometke" silteme jasap, QR TJM baspasóz qyzmetinen habarlady.
Aqmola, Qaraǵandy oblystarynda keı jerlerde tuman, kóktaıǵaq kútiledi, keıbir jerlerde túnde, kúndiz barlyq jerlerde boran soǵady, jel 15-20 m/s-qa, kúndiz ekpini 23-28 m/s bolatyn jel kúsheıedi. Almaty oblysynyń jer-jerlerinde tuman kútiledi, Jalańashkól aýdanynda jeldiń kúsheıýi 15-20, ekpini 25 m/s-qa deıin bolady. Jambyl oblysynda keı jerlerde tuman, kóktaıǵaq bolady, jeldiń ekpini 15-20 m/s-qa jetedi, kúndiz 23-28 m/s ekpinmen jel soǵady. Ońtústik Qazaqstan oblysynyń keı jerlerinde tuman, kóktaıǵaq oryn alady, 15-20 m/s-qa deıin jel kúsheıedi. Qyzylorda, Mańǵystaý, Atyraý oblystarynyń keı jerlerinde kók taıǵaq kútiledi, jeldiń kúsheıýi 15-20 m/s-qa jetedi. Qyzylorda oblysynda boran bolady. Batys Qazaqstan oblysynyń jer-jerlerinde tuman, kóktaıǵaq bolady. Soltústik Qazaqstan, Aqtóbe, Qostanaı oblystarynda keıbir jerlerde boran, tuman, kóktaıǵaq kútiledi, jel 15-20 m/s-qa kúsheıedi. Pavlodar oblysynda kúndiz keı jerlerde boran soǵady, jel 15-20 m/s-qa kúsheıedi. Shyǵys Qazaqstan oblysynda jer-jerlerde jel ekipini 15-20 m/s-qa deıin barady.
