Qazgıdromet: 14 qarashaǵa arnalǵan aýa raıy boljamy
ASTANA. 13 qarasha. QazAqparat - Erteń Pavlodar oblysynyń keı jerlerinde, kúndiz Shyǵys Qazaqstan, Almaty oblysynda azdaǵan jaýyn-shashyn bolady, Pavlodar oblysynyń jekelegen aýdandarynda jel 15-16 m/s-ke kúsheıedi. Bul týraly «Qazgıdrometke» silteme jasap, QR TJM baspasóz qyzmetinen habarlady.
Túnde Qostanaı, Aqtóbe, Aqmola oblysynyń keı jerlerinde azdaǵan jaýyn-shashyn bolady, Qostanaı, Aqmola oblysynyń keı jerlerinde jel 15-20 m/s-ke kúsheıedi. Túnde Batys Qazaqstan, Soltústik Qazaqstan oblystarynyń birqatar jerlerinde azdaǵan jaýyn-shashyn bolady, Soltústik Qazaqstan oblysynyń jekelegen aýdanynda jel 15-20 m/s-ke kúsheıedi. Almaty, Jambyl oblystarynyń keıbir jerlerinde, kúndiz Qaraǵandy, Shyǵys Qazaqstan oblystarynda tuman túsýi múmkin. Ońtústik Qazaqstan oblysynyń jekelegen aýdandarynda jel 16-18 m/s-ke kúsheıedi.
Jaqyn táýlikterde Syrdarııa ózeninde sý deńgeıiniń tómendeýi kútilýde. Shyǵys Qazaqstan oblysynyń jekelegen ózenderinde muz qalyptasý úrdisi jalǵasady. Qazaqstannyń qalǵan sý nysandarynda gıdrologııalyq tártipte aıtarlyqtaı ózgerister kútilmeıdi.
