Qazgıdromet: 14 qańtarǵa arnalǵan aýa raıy boljamy
ASTANA. 13 qańtar. QazAqparat - 14 qańtar kúni respýblıka aýmaǵynyń basym bóliginde burynǵysha atmosferalyq frontaldyq aǵyndardyń ótýine baılanysty jer-jerlerde qar, boran, qatty jel, tuman saqtalady, tek respýblıkanyń shyǵysynda jáne ońtústik-shyǵysta aýa raıy jaýyn-shashynsyz bolady. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Almaty oblysynyń keıbir jerlerinde tuman bolady, Jalańashkól aýdanynda jel ekpini 18-23 m/s bolyp, keı jerlerde sekýndyna 28 metrge deıin jel kúsheıedi. Atyraý, Batys Qazaqstan oblystarynyń birqatar aımaqtarynda tuman, kóktaıǵaq kútilýde. Jel sekýndyna 15-20 metrge deıin kúsheıedi. Soltústik Qazaqstan oblysynda jer-jerlerde boran, tuman, kóktaıǵaq bolady, jel 15-20 m/s-qa deıin kúsheıedi. Aqtóbe oblysynda kúndiz keıbir jerlerde boran, kóktaıǵaq bolady, jeldiń kúsheıýi 15-20 m/s deıin barady. Qostanaı oblysynda túnde jáne tańerteń tuman, kúndiz jer-jerlerde kók taıǵaq bolady, jeldiń ekpini 18 m/s bolady. Jambyl oblysynyń birqatar aımaqtarynda tuman túsip, jeldiń kúsheıýi sekýndyna 15-20 metrge deıin barady. Shyǵys Qazaqstan oblysynda, kúndiz Ońtústik Qazaqstan oblysynyń keıbir jerlerinde jel sekýndyna 15-20 metrge deıin kúsheıedi. Qaraǵandy oblysynda túnde jer-jerlerde tuman, kúndiz keı jerlerde boran soǵady, 15-20 m/s ekpinmen jel soǵady. Aqmola, Qyzylorda, Mańǵystaý oblystarynyń birqatar aımaqtarynda tuman kútiledi.
