Qazgıdromet: 13 jeltoqsanǵa arnalǵan aýa raıy boljamy
ASTANA. 12 jeltoqsan. QazAqparat - Erteń Qazaqstan aýmaǵynyń basym bóliginde atmosferalyq aǵyndardyń ótýine baılanysty aýa raıynyń turaqsyzdyǵy saqtalady, jel kúsheıedi, boran soǵady, kóktaıǵaq bolyp, tuman túsedi. Tek respýblıkanyń ońtústiginde aýa raıy jaýyn-shashynsyz bolady. Bul týraly «Qazgıdrometke» silteme jasap, QR TJM baspasóz qyzmetinen habarlady.
Qostanaı oblysynda keı jerlerde boran soǵady dep kútilýde, jel 15-20 m/s-ke kúsheıedi, kúndiz jel ekpini 17-22 m/s-ke jetedi. Aqmola, Pavlodar oblystarynda keı jerlerde boran soǵýy yqtımal, jel 15-20 m/s-ke kúsheıedi, keı jerlerde jel ekpini 25 m/s-ke deıin bolady. Shyǵys Qazaqstan, Aqtóbe oblystarynyń keıbir jerlerinde boran soǵady dep kútilýde, jel 15-20 m/s-ke kúsheıedi. Batys Qazaqstan, Mańǵystaý, Soltústik Qazaqstan oblystarynda keı jerlerde boran soǵady dep kútilýde, jel 15-20 m/s-ke kúsheıedi, tuman túsedi, kóktaıǵaq bolady. Jambyl, Ońtústik Qazaqstan oblysynda keı jerlerde tuman túsedi dep kútilýde. Qyzylorda, Atyraý oblystarynda, túnde Almaty oblysynyń birqatar aımaqtarynda tuman túsýi yqtımal, kóktaıǵaq bolady.
Jaqyn táýlikterde respýblıkanyń sý nysandarynda muz qalyptasý úrdisiniń kúsheıýi baıqalady, jekelegen ózenderinde sý deńgeıi kóterilýi, seń qalyptasýy múmkin. Ońtústik jáne ońtústik-shyǵystyń ózenderinde sý deńgeıi turaqsyz bolady dep kútilýde.
