Qazgıdromet: 13 tamyz kúngi aýa raıy boljamy
NUR-SULTAN. QazAqparat – 13 tamyzda el aýmaǵynyń basym bóliginde aýa raıy qubylmaly bolady, dep habarlaıdy QazAqparat Qazgıdrometke silteme jasap.
Beısenbide, soltústik shyǵysta kún kúrkirep, naızaǵaı oınaıdy, sonymen birge nóser jańbyr jaýady, burshaq túsýi yqtımal. Sondaı-aq respýblıkanyń keı jerlerinde jel kúsheıedi, ońtústikte jáne ońtústik batysta shańdy daýyl turady, soltústik batysta – tuman.
Qaraǵandy, Pavlodar, Aqmola oblystarynyń keı jerlerinde tuman túsedi, daýyl, jeldiń jyldamdyǵy 15-20 m/s, burshaq jaýýy múmkin.
Atyraý, Batys Qazaqstan oblystarynyń kúndiz keı jerlerinde jel 15-20 m/s kúsheıedi, burshaq jaýýy yqtımal, Atyraý oblysynyń kúndiz keı jerlerinde shańdy daýyl turady.
Jambyl, kúndiz Almaty, túnde jáne tańerteń Túrkistan oblystarynyń keı jerlerinde jel turady, jyldamdyǵy - 15-20 m/s.
Qostanaı, Soltústik Qazaqstan oblystarynyń keı jerlerinde tuman, jeldiń kúsheıýi 15-20 m/s kútiledi. Shyǵys Qazaqstan oblysynyń keı jerlerinde jel turady, jyldamdyǵy 15-20 m/s jetedi, kúndiz burshaq jaýýy yqtımal.
Qyzylorda, Túrkistan oblystarynyń basym bóliginde, Jambyl, Almaty, Atyraý oblystarynyń keı jerlerinde, Qaraǵandy oblysynyń ońtústiginde, Aqtóbe oblysynyń ońtústik-shyǵysynda tótenshe órt qaýpi saqtalady.
