Qazgıdromet: 13-shi jeltoqsannyń kún raıy boljamy
NUR-SULTAN. QazAqparat – «Qazgıdromet» RMK-sy 13 jeltoqsannyń kún raıy boljamyn jarııalady, dep habarlaıdy QazAqparat.
Kásiporynnyń boljamyna qaraǵanda, 13 jeltoqsanda frontaldy bólikterdiń ótýine oraı respýblıkanyń basym bóliginde kún qubylmaly bolady, qar jaýyp, ońtústik jáne ońtústik-shyǵysta jaýyn–shashyn (jańbyr, qar), ońtústikte taýly aýdandarda nóser jaýyn jaýady.
Tek respýblıkanyń batysy men soltústiginde kún jaýyn-shashynsyz bolady. Respýblıka boıynsha keı jerlerde tuman túsip, kóktaıǵaq olady, jel kúsheıedi. QR soltústik-batysynda, shyǵysynda, ortalyǵynda jaıaý burqasyn soǵady.
Túrkistan oblysynyń soltústiginde, batysynda, taýly, taý bókterli aýdandarynda tuman túsip, kóktaıǵaq bolady, oblystyń soltústiginde jeldiń jyldamdyǵy sekýndyna 15-20 metrge jetedi.
Jambyl oblysynyń soltústiginde, taýly, taý bókterli aýdandarynda tuman túsip, kóktaıǵaq bolady, oblystyń ońtústik-batysynda, taýly aýdandarynda jeldiń jyldamdyǵy sekýndyna 15-20 metrge deıin jetedi.
Qaraǵandy oblysynyń soltústiginde, shyǵysynda, ońtústiginde jaıaý burqasyn soǵyp, tuman túsip, kóktaıǵaq bolady.
Shyǵys Qazaqstan oblysynyń soltústiginde jaıaý burqasyn soǵyp, tuman túsedi, oblystyń ońtústik-batysynda jel 15-20 m/s jyldamdyqpen soǵady.
Qyzylorda oblysynyń ortalyǵynda, ońtústiginde tuman túsip, kóktaıǵaq bolady, oblystyń soltústiginde jel 15-20 m/s-qa deıin kúsheıedi.
Qostanaı oblysynyń ońtústiginde jaıaý burqasyn soǵyp, oblystyń soltústiginde tuman túsedi, túnde oblystyń ońtústiginde jel 15-20 m/s jyldamdyqpen soǵady.
Kúndiz Pavlodar oblysynyń soltústiginde, shyǵysynda jeldiń jyldamdyǵy 18 m/s-qa jetip, jaıaý burqasyn soǵady.
Aqtóbe oblysynyń soltústiginde tuman túsedi, oblystyń ońtústik-shyǵysynda jel 15-20 m/s-qa deıin kúsheıedi. Almaty oblysynda Alakól aýdanynda jel 15-20 m/s kúsheıedi.
