Qazgıdromet 13 sáýirdegi aýa raıy boljamyn jarııalady
ASTANA. KAZINFORM – Qazgıdromet 13 sáýirge Qazaqstan aýmaǵyndaǵy sınoptıkalyq jaǵdaı men qaýipti aýa raıy qubylystary týraly boljamdaryn usyndy.
Aqmola oblysynyń batysy men soltústiginde tuman bolady. Jeldiń baǵyty ońtústik-batystan soltústik-shyǵysqa aýysady, kúndiz oblystyń shyǵysynda jeldiń ekpini 15-18 m/s jetedi.
Qyzylorda oblysynyń ortalyǵy men soltústiginde shańdy daýyl kútiledi. Jel shyǵys jáne ońtústik-shyǵys baǵytynan soǵyp, kúndiz ekpini 15-20 m/s bolady. Qalada da shańdy daýyl boljanyp otyr.
Túrkistan oblysynyń soltústiginde soltústik-shyǵys jeli soǵady, kúshi 15-20 m/s. Oblystyń batysy men soltústiginde órt qaýipi joǵary deńgeıde saqtalady.
Atyraý oblysynyń batysy, soltústigi jáne ońtústiginde jańbyr men naızaǵaı bolady. Kúndiz keı aımaqtarda qatty jańbyr men burshaq jaýýy múmkin. Túnde jáne tańerteń tuman bolady. Jel ońtústik-shyǵys baǵytynan soǵyp, ekpini 15-20 m/s jetedi. Atyraý qalasynda da jańbyr men naızaǵaı kútiledi.
Aqtóbe oblysynyń soltústigi men batysynda azdaǵan jańbyr men naızaǵaı boljanady. Jel ońtústik-shyǵys baǵytynda, kúndiz oblystyń batysy, ońtústigi jáne ortalyǵynda ekpini 15-18 m/s bolady.
Mańǵystaý oblysynda jańbyr, naızaǵaı, kúndiz keı jerlerde qatty jańbyr, burshaq jáne daýyl kútiledi. Túnde jáne tańerteń oblystyń soltústik-batysynda tuman bolady. Soltústik-shyǵysynda shańdy daýyl bolady. Jel soltústik-batystan soǵyp, oblystyń ońtústigi, soltústik-shyǵysy jáne ortalyǵynda ekpini 15-20 m/s, keı ýaqytta 23 m/s jetedi. Aqtaýda jańbyr, naızaǵaı, kúndiz keıde qatty jańbyr men burshaq jaýady.
Qostanaı oblysynyń batysy, soltústigi jáne shyǵysynda jańbyr men naızaǵaı bolady. Batysy men shyǵysynda tuman saqtalady. Qostanaı qalasynda jańbyr men naızaǵaı kútiledi.
Almaty oblysynyń taýly jáne taý bókterindegi aýdandarynda azdaǵan jańbyr men naızaǵaı bolady. Oblystyń soltústigi, batysy jáne ortalyǵynda órt qaýpi joǵary deńgeıde saqtalady. Qonaev qalasynda da órt qaýpi bar. Іle Alataýy aımaǵynda (Almaty qalasynyń Medeý jáne Bostandyq aýdandary) 13 sáýirde kúndiz azdaǵan jańbyr men naızaǵaı bolady.
Jetisý oblysynyń taýly aımaqtarynda jańbyr men naızaǵaı bolady. Túnde jáne tańerteń oblystyń ońtústigi, ortalyǵy men taýly aýdandarynda tuman bolady. Soltústik-shyǵys jeli soǵyp, Alakól kólderi aýdanynda ekpini 15-20, keıde 23-28 m/s jetedi. Taldyqorǵanda túnde jáne tańerteń tuman bolady.
Abaı oblysynyń soltústiginde tuman bolady. Jel baǵyty ońtústik-batystan soltústik-batysqa aýysady, kúndiz oblystyń soltústigi men ortalyǵynda ekpini 15-20 m/s bolady. Oblystyń ońtústiginde órt qaýpi joǵary deńgeıde saqtalady.
Shyǵys Qazaqstan oblysynyń soltústiginde tuman bolady. Jel ońtústik-shyǵystan soltústik-batysqa aýysady, kúndiz oblystyń soltústigi men shyǵysynda ekpini 15-20 m/s bolady.
Soltústik Qazaqstan oblysynyń batysy men ońtústiginde túnde jaýyn-shashyn (jańbyr, qar), kóktaıǵaq bolady. Kúndiz azdaǵan jańbyr men naızaǵaı kútiledi. Batysy, soltústigi jáne shyǵysynda tuman bolady. Jel soltústik-shyǵys baǵytynda soǵyp, kúndiz oblystyń shyǵysynda ekpini 15-20 m/s jetedi. Petropavl qalasynda tuman bolady.
Jambyl oblysynyń taýly aýdandarynda jańbyr men naızaǵaı bolady. Oblystyń ońtústigi men taýly aýdandarynda tuman bolady. Jel soltústik-shyǵys baǵytynda soǵyp, oblystyń ońtústik-batysy, soltústik-shyǵysy jáne taýly aýdandarynda ekpini 15-20 m/s bolady. Batysy men ońtústik-shyǵysynda órt qaýpi joǵary deńgeıde saqtalady.
Qaraǵandy oblysynyń shyǵys aımaqtarynda jańbyr jaýyp, naızaǵaı bolady. Túnde jáne tańerteń oblystyń batysy, soltústigi jáne shyǵysynda tuman túsedi. Jeldiń baǵyty ońtústik-batystan soltústik-shyǵysqa aýysady, kúndiz oblystyń soltústigi men shyǵysynda jeldiń ekpini 15-18 metr sekýndyna jetedi. Oblystyń batysy men ońtústiginde órt qaýipi joǵary deńgeıde saqtalady.
Batys Qazaqstan oblysynyń batysy, soltústigi jáne ońtústiginde jańbyr jaýyp, naızaǵaı soǵady. Túnde jáne tańerteń oblystyń soltústigi, batysy jáne ortalyq bóliginde tuman bolady. Jeldiń baǵyty ońtústik-batystan soltústik-shyǵysqa aýysyp, kúndiz oblystyń batysy, ońtústigi jáne shyǵysynda jeldiń ekpini 15-20 metr sekýndyna jetedi. Oral qalasynda jańbyr jaýyp, naızaǵaı bolady, túnde jáne tańerteń tuman túsedi.
